КДК вывучае эфектыўнасць функцыянавання аўтамабільных пасажырскіх перавозак на тэрыторыі Магілёўскай вобласці

Камітэтам дзяржаўнага кантролю Магілёўскай вобласці вывучаецца эфектыўнасць функцыянавання гарадскіх, прыгарадных і міжгародніх аўтамабільных пасажырскіх перавозак на тэрыторыі Магілёўскай вобласці. Пра гэта паведамілі ў ведамстве.

У сувязі з гэтым грамадзянам, у тым ліку прадпрымальнікам, якія займаюцца пасажырскімі перавозкамі, прапануецца выказаць меркаванне аб:

ступені празрыстасці і стане канкурэнцыі на рынку аўтамабільных пасажырскіх перавозак;

якасці паслуг дзяржаўных і прыватных перавозчыкаў;

эфектыўнасці выкарыстання рухомага складу і іншай маёмасці дзяржаўных аўтаперавозчыкаў;

мэтазгоднасці аптымізацыі маршрутнай сеткі (увядзенне новых або змяненне, скарачэнне існуючых маршрутаў, карэкціроўка раскладу руху транспарту, іншае);

недасканаласці заканадаўства, якое рэгламентуе аўтамабільныя пасажырскія перавозкі;

іншых праблемных пытаннях у гэтай сферы.

Сабраныя матэрыялы будуць прааналізаваны і выкарыстаны Камітэтам для прыняцця мер рэагавання.

Прапановы неабходна накіроўваць да 1 кастрычніка 2020 года на электронную пошту: kgkmogilevobl@tut.by.

Звяртаем увагу!

Накіраваныя прапановы і іншая інфармацыя не падлягаюць разгляду ў парадку, вызначаным законам Рэспублікі Беларусь «Аб зваротах грамадзян і юрыдычных асоб».