Комплексны план добраўпарадкавання Магілёва на 2020 год уключае 21 аб’ект

Комплексны план добраўпарадкавання абласнога цэнтра на 2020 год уключае 21 аб’ект. Пра гэта паведаміў на пасяджэнні Магілёўскага гарвыканкама генеральны дырэктар УКП Міхаіл Галушкоў.

Паводле яго слоў, на працягу бягучага года ў межах капітальнага рамонту і будаўніцтва аб’ектаў добраўпарадкавання ў горадзе запланаваны работы па 21 аб’екце. У прыватнасці, будзе працягнута добраўпарадкаванне парку культуры і адпачынку ў раёне Падміколля, завершаць работы па рамонце моста па вуліцы Першамайскай, пачнуць рамонт вуліцы Крупскай, адрамантуюць помнік Леніну на плошчы Леніна.

Запланаваны капітальны рамонт з мадэрнізацыяй мемарыяльнага комплексу па праспекце Шміта з добраўпарадкаваннем прылеглай тэрыторыі (другая чарга), моста па вуліцы Чалюскінцаў, добраўпарадкаванне поймы ракі Дубровенка. Завершаць капрамонт з мадэрнізацыяй бульвара Непакорных (вынік першай і другой чаргі), працягнуць капрамонт вуліцы Першамайскай, а таксама добраўпарадкуюць тэрыторыі ў раёне вуліц Касманаўтаў, Каралёва, Крупскай, Арлоўскага, бульвара Дняпроўскага і вялікую тэрыторыю ў раёне вуліц Цярохіна – Златавустаўскага.

Агульная сума работ складзе Br20 300 тыс. У мінулым годзе адпаведны артыкул выдаткаў першапачаткова складаў Br15 964 тыс.

Запланаваны таксама да здачы ў бягучым годзе ў Магілёве басейн у сярэдняй школе № 46 да свята горада і паліклініка ў Казіміраўцы.

Па матэрыялу mogilevnews.by