Курсант Магілёўскага інстытута МУС: жыццё ветэранаў Вялікай Айчыннай вайны ў вачах моладзі – подзвіг

Жыццё ветэранаў Вялікай Айчыннай вайны ў вачах моладзі – подзвіг, прыклад доблесці і патрыятызму. Такое меркаванне выказаў курсант Магілёўскага інстытута МУС радавы міліцыі Мікіта Дзенісенка.

«Мы нарадзіліся і выраслі ў мірны час, ніколі не бачылі разбураных фашысцкімі бомбамі дамоў, не чулі выцця сірэн, не ведаем, што такое бедны ваенны паёк. Пра падзеі тых гадоў можам меркаваць толькі з апавяданняў нашых дзядоў і прадзедаў, – адзначыў курсант. – Для нас вайна – гэта гісторыя, якая захоўвае памяць пра тысячы міліцыянераў, афіцэраў, чырвонаармейцаў, якія ў першыя дні бітваў пайшлі на фронт і цаной свайго жыцця выканалі абавязак перад краінай і народам. Не ўсе іх імёны вядомыя нашчадкам, як не вядомыя імёны ўсіх байцоў Чырвонай Арміі і батальёна міліцыі, які абараняў Магілёў у вёсцы ДАІ».

Мікіта Дзенісенка расказаў, што ў красавіку бягучага года яму пашчасціла прыняць удзел у правядзенні раскопак на месцы тых баёў. «Я ўпэўнены, што гэтая праца надзвычай важная для будучых пакаленняў, бо шмат яшчэ іх, без вестак загінулых герояў, – падкрэсліў курсант. – Я яшчэ раз пераканаўся, што правільна абраў прафесію – ахоўваць парадак і спакой мірных грамадзян нашай краіны».