Леанід Мартынюк аб фарміраванні рэзерву кадраў: важна шукаць новыя формы і не дапускаць фармалізму

У працы над фармаваннем рэзерву кадраў важна шукаць новыя формы і падыходы, а таксама не дапушчаць фармалізму. Такой думкай з журналістамі падзяліўся памочнік Прэзідэнта - інспектар па Магілёўскай вобласці Леанід Мартынюк, падводзячы вынікі пасяджэння, прысвечанага пытанням работы з кадравым рэзервам, якое прайшло 30 кастрычніка ў Горацкім райвыканкаме.

«Тая планавая праца, якая вядзецца штогод па фармаванні рэзерву кадраў, намі была крыху перабудаваная. Мы праводзім абароны не толькі па рэгіянальным прынцыпе праз райвыканкамы, але і праводзім галіновы зрэз, збіраючы асобна прадстаўнікоў той ці іншай сферы. Пры фармаванні рэзерву кадраў важна шукаць новыя формы і падыходы, а таксама не дапускаць фармалізму, - адзначыў ён. - Нядаўна ў нас праходзіла нараду буйных прамысловых прадпрыемстваў і вышэйшых навучальных устаноў. Узаемадзеянне паміж імі ёсць, але зараз рэаліі такія, што яго неабходна ўзмацніць, знаходзіць агульныя кропкі судакранання ў плане праходжання практыкі, размеркавання».

Як адзначыў Леанід Мартынюк, Горацкі райвыканкам пры фарміраванні рэзерву кадраў мае агульныя трэнды, якія характэрны ў цэлым для Магілёўскай вобласці. «Фармалізму тут няма. І прыемна адзначыць, што самі рэзервісты выдатна разумеюць узровень адказнасці пастаноўкі ў рэзерв кадраў: іх працу заўважылі і адзначылі. І ўсё гэта ў перспектыве стане выдатнай зыходнай кропкай для іх кар'ернага росту», - сказаў ён.

Чалавек, які трапляе ў рэзерв кадраў, павінен валодаць пэўнымі якасцямі. «І першае - гэта прафесіяналізм. Калі чалавек ведае дасканала сваю справу, прафесійна выконвае свае абавязкі, несумненна, ён будзе заўважаны. Не менш важныя чалавечыя якасці. І, абавязкова, адказнасць, - звярнуў увагу памочнік Прэзідэнта - інспектар па Магілёўскай вобласці. - А яшчэ мы не будзем здымаць са шчытоў разумны кар'ерызм: калі праз некалькі гадоў жадае бачыць сябе на вызначанай пасадзе і імкнецца ісці да вызначанай мэты, то гэта нядрэнна. Галоўнае, не ўпадаць у крайнасці».

БЕЛТА