Леанід Мартынюк сустрэўся з калектывам ПТУП «Чырвоны харчавік – Слаўгарад»

Сёння памочнік Прэзідэнта Рэспублікі Беларусь – інспектар па Магілёўскай вобласці Леанід Мартынюк – у межах адзінага Дня інфармавання сустрэўся з калектывам ПТУП «Чырвоны харчавік – Слаўгарад».

У мерапрыемстве прынялі ўдзел старшыня Слаўгарадскага райвыканкама Андрэй Кажамякін, дэпутат Магілёўскага абласнога Савета дэпутатаў 28 склікання Слаўгарадскай выбарчай акругі № 50 Міхаіл Ярмоленка, начальнік аддзела па працы са зваротамі грамадзян і юрыдычных асоб Слаўгарадскага райвыканкама Ганна Дзем’янкова.

У ходзе гутаркі з работнікамі прадпрыемства Леанід Мартынюк закрануў тэмы развіцця жыллёва-камунальнай гаспадаркі рэгіёна, адзначыўшы «плюсы» і «мінусы» службы. Таксама памочнік Прэзідэнта Рэспублікі Беларусь расказаў аб мэтах ўстойлівага развіцця і кадравай палітыцы Магілёўскай вобласці.

У сваю чаргу прысутных цікавіла паляпшэнне інфраструктуры раёна – з’яўленне новых спартыўных і культурных аб’ектаў.

Пасля сустрэчы Леанід Мартынюк наведаў вытворчыя цэхі. Дырэктар прадпрыемства Андрэй Галянкоў расказаў аб дасягненнях і развіцці прадпрыемства, эканамічнай базе, працы калектыву.

Па матэрыялах slavgorod.by