Леанід Мартынюк: змяненне заканадаўства аб УНС і Выбарчага кодэкса стане гістарычным момантам у жыцці краіны

Змяненне заканадаўства аб Усебеларускім народным сходзе і Выбарчага кодэкса стане гістарычным момантам у жыцці нашай краіны. Такім меркаваннем з журналістамі падзяліўся памочнік Прэзідэнта – інспектар па Магілёўскай вобласці Леанід Мартынюк падчас нарады па пытаннях кадравай палітыкі і абмеркавання законапраектаў аб УНС і Выбарчым кодэксе, якое прайшло ў Магілёўскім гарвыканкаме.

«Змена заканадаўства аб Усебеларускім народным сходзе і Выбарчага кодэкса стануць гістарычным момантам у жыцці нашай краіны, пра які мы з гонарам будзем расказваць нашчадкам, таму што мы з вамі сталі непасрэднымі ўдзельнікамі гэтага працэсу, – сказаў Леанід Мартынюк. – Сёння завяршаецца маштабнае абмеркаванне гэтых законапраектаў на розных узроўнях. Гэтыя дні паказалі, што такая аб’ёмная і поўная праца з людзьмі не проста апраўданая, яна неабходная. Мы змаглі данесці да кожнага важнасць зменаў. І гэта дало магчымасць кожнаму чалавеку разабрацца ў гэтых прапановах, нават тым, хто далёкі ад палітыкі і заканатворчых працэсаў».

Па словах памочніка Прэзідэнта, сустрэчы ў калектывах прадэманстравалі, што людзі ў поўнай меры ўсведамляюць персанальную адказнасць за рашэнні, якія будуць мець сур’ёзны ўплыў на будучыню краіны. «Беларусы ўсведамляюць, што працэс сур’ёзнай палітычнай рэформы ўжо запушчаны. УНС стане важным дэмакратычным інструментам. Гэта беспрэцэдэнтны вопыт у сусветнай гісторыі, які не мае аналагаў. Гэта ўнікальная мадэль беларускай дэмакратыі, пры якой любы чалавек зможа ўдзельнічаць у прыняцці лёсавызначальных рашэнняў для нашай дзяржавы».

Акрамя таго, у гарвыканкаме прайшла нарада па пытаннях фарміравання складу рэзерву кадраў на 2023 год. Як расказаў начальнік аддзела арганізацыйна-кадравай работы Магілёўскага гарвыканкама Віктар Лаўрыновіч, праца з рэзервам кадраў у горадзе выбудаваная на высокім і ўсебаковым узроўні: надаецца вялікая ўвага не толькі адукацыі і прафесійным навыкам патэнцыйных рэзервістаў, але і грамадзянскай актыўнасці і патрыятычнаму выхаванню. У рэзерв кадраў на наступны год ў гарвыканкаме трапіла 188 кандыдатаў.

БЕЛТА