«Магілёў на палотнах вялікіх мастакоў»: расіяне ўвекавечаць знакавыя месцы беларускага горада

Пленэр стартуе заўтра, 23 верасня, у Магілёве. Удзел у ім прымуць восем прадстаўнікоў расійскай традыцыйнай мастацкай школы, сярод якіх такія прызнаныя мэтры, як народны мастак Расійскай Федэрацыі, акадэмік Расійскай акадэміі, прэзідэнт Міжнароднай акадэміі культуры і мастацтва Пётр Цімафеевіч Стронскі і народны мастак Расіі, акадэмік і мастацтва Антон Вячаслававіч Сцякольшчыкаў. Майстры кісці ўвекавечаць на сваіх палотнах знакавыя месцы і падзеі ў гісторыі нашага горада.

Пленэр «Магілёў на палотнах вялікіх мастакоў» праводзіцца па ініцыятыве Магілёўскага гарадскога выканаўчага камітэта і агульнарасійскай грамадскай арганізацыі «Расійскі клуб праваслаўных мецэнатаў» з мэтай папулярызацыі духоўна-маральных каштоўнасцей, далучэння да праваслаўнай культуры, духоўна-маральнага развіцця асобы.

Па выніках пленэру 3 кастрычніка адкрыецца выстаўка «Прастора міру і стварэння», на якой будуць прадстаўлены не толькі работы, створаныя ў Магілёве, але і каля 30 твораў з персанальных калекцый мастакоў. 

СБ