Магілёўская цяжкаатлетка Сюзана Валадзько заняла чацвёртае месца на чэмпіянаце свету ў Нарвегіі

Беларуская штангістка Сюзана Валадзько стала чацвёртай на чэмпіянаце свету па цяжкай атлетыцы 2025 года, які праходзіць у нарвежскім Фердзе.

Наша спартсменка спаборнічала ў вагавой катэгорыі да 69 кг. У рыўку Валадзько з другой спробы ўзяла 103 кг, пасля чаго зафіксавала груз 106 кг. У штуршку Сюзана справілася са штангай вагой 128 кг і 132 кг, але апошні падыход на 136 кг аказаўся няўдалым. У суме за два практыкаванні беларуска набрала 238 кг і размясцілася на выніковым чацвёртым радку. Да тройкі не хапіла 3 кг. Перамогу з сусветным рэкордам 270 кг атрымала Сон Кук Х'ян з КНДР, другое і трэцяе месцы занялі Джуліет Радрыгез з Калумбіі і Інгрыд Сегура з Бахрэйна (абедзве - 241 кг).

На чэмпіянаце свету па цяжкай атлетыцы 2023 года Сюзана была шостай, а на Алімпійскіх гульнях у Парыжы таксама спынілася за крок ад п'едэстала. Акрамя таго, Валадзько з'яўляецца двухразовым прызёрам чэмпіянатаў Еўропы ў дваябор'і (2024-ы - серабро, 2025-ы - бронза).

Усяго планетарны форум у Фердзе сабраў амаль 500 штангістаў з 87 краін, у заяўку нашай каманды ўвайшлі тры спартсмены. Раней Вадзім Ліхарад заняў 12-ы радок у катэгорыі да 79 кг. 10 кастрычніка на нарвежскі памост выйдзе беларус Сяргей Шаранкоў, які выступае ў вазе да 110 кг.

БЕЛТА