Хакеісты «Дынама-Шынніка» атрымалі шостую запар перамогу ў МХЛ

Бабруйскі клуб «Дынама-Шыннік» працягнуў пераможную серыю ў рэгулярным чэмпіянаце Маладзёжнай хакейнай лігі сезона-2025/26.

У другім матчы выязной серыі падапечныя Яўгена Летава сустракаліся са ступінскім «Капітанам». У першым перыядзе Ягор Карабань вывеў бабруйчан наперад, на экватары паядынку форвард аформіў дубль. У заключнай трэці па шайбе дадалі Ілья Сансевіч і Мікалай Салыга. Галкіпер гасцей Данііл Русаковіч адбіў усе кідкі сапернікаў, у выніку 4:0 на карысць «Дынама-Шынніка».

Гэта перамога стала для нашай каманды шосты запар. Бабруйскі клуб набраў 20 ачкоў у 13 матчах і зараз займае пятае месца ў табліцы «Залатога» дывізіёна Заходняй канферэнцыі МХЛ. Наступны паядынак гасцявога турнэ юныя дынамаўцы правядуць 17 кастрычніка супраць «Крылаў Саветаў» з Масквы.

БЕЛТА