Магілёўская і Мінская мытні прыступаюць да рэалізацыі пілотнага праекта па ажыццяўлеенні аперацый у цэнтры электроннага дэкларавання

З 12 кастрычніка Магілёўская і Мінская рэгіянальная мытні прыступаюць да рэалізацыі пілотнага праекта па ажыццяўленні мытных аперацый у цэнтры электроннага дэкларавання на рэспубліканскім узроўні.

Сутнасць новаўвядзення заключаецца ў тым, што асобныя дэкларацыі на тавары, якія падаюцца ў мэтах прад’яўлення тавараў пад мытную працэдуру выпуску для ўнутранага спажывання і накіраваныя дэкларантам або мытным прадстаўніком у адрас аднаго з УПМА, які ўдзельнічае ў пілотным праекце, размяркоўваюцца раўнамерна паміж усімі УПМА, якія ўдзельнічаюць у пілотным праекце з выкарыстаннем інфармацыйнай сістэмы.

У выпадках, калі дэкларацыі на тавары размяркоўваюцца для афармлення ў адно УПМА, а дэклараваныя тавары знаходзяцца ў зоне мытнага кантролю іншага УПМА, пры ажыццяўленні мытных аперацый прымяняецца тэхналогія аддаленага выпуску тавараў.

Звяртаем увагу, што ў мэтах рэалізацыі пілотнага праекта з 12 кастрычніка для УПМА «Магілёў-Белмытнясэрвіс» і «Бабруйск-Белмытнясэрвіс» устаноўлены час працы штодня з 9.00 да 22.00, для УПМА «Магілёў-2» – штодня з 9.00 да 21.00.

Кансультацыі па пытаннях правядзення эксперыменту праводзяцца ў Магілёўскай мытні з 9.00 да 18.00 (перапынак з 13.00 да 14.00) па тэлефоне 8 (0222) 29-90-20.