Міжнародная акцыя «Гадзіна Зямлі» пройдзе 24 сакавіка. Пра гэта паведамілі ў аддзеле па рабоце са СМІ і развіцці паліграфіі галоўнага ўпраўлення ідэалагічнай работы, культуры і па справах моладзі Магілёўскага аблвыканкама.
У гэты дзень жыхароў рэгіёна запрашаюць далучыцца да мерапрыемства і выключыць святло на адну гадзіну з 20.30 да 21.30.
У Беларусі акцыя адбудзецца ў дзясяты раз. Яе сутнасць у тым, каб на 60 хвілін адключыць святло і непатрэбныя электрапрыборы дома або ў офісе, паспрабаваць зрабіць беражлівыя адносіны да прыродных рэсурсаў пастаяннай звычкай.
«Згаджаючыся з умовамі акцыі, яе ўдзельнікі падымаюць на паверхню праблемы змены клімату, энергазберажэння і захавання рэсурсаў у цэлым, паказваюць сваю салідарнасць і занепакоенасць гэтымі тэмамі», – падкрэслілі суразмоўцы.
«Гадзіна Зямлі» з’яўляецца найбольш вядомай экалагічнай акцыяй у гісторыі чалавецтва. У мінулым годзе, паводле дадзеных арганізатараў, у ёй прынялі ўдзел больш за 25 млн. чалавек з 187 краін свету, было выключана падсвятленне больш чым 3,1 тыс. архітэктурных аб’ектаў.
Так, у Беларусі ў 2017 годзе мерапрыемствы прайшлі ў 11 гарадах. У патрэбны час згасла падсвятленне цэнтральных архітэктурных аб’ектаў, а таксама Мірскага і Нясвіжскага замкаў, якія ўваходзяць у спіс сусветнай спадчыны ЮНЕСКА.
Пры выкарыстанні матэрыялаў актыўная гіперспасылка на mogilev-region.gov.by абавязковая
01.04.2025 - 09:25
Магілёўская вобласць набліжаецца да экватара па сяўбе ранніх яравых збожжавых і зернебабовых
31.03.2025 - 10:27
У Магілёўскай вобласці збожжавыя культуры пасеяны на плошчы 47,9 тыс. га
26.03.2025 - 09:59
Прамую тэлефонную лінію 29 сакавіка правядзе ў Магілёўскім аблвыканкаме Генадзь Дзенгалёў
25.03.2025 - 12:19