Рус Бел Eng 中文

Магілёўская вобласць адзначае 30-годдзе вываду савецкіх войскаў з Афганістана

Магілёўская вобласць адзначае 30-годдзе вываду савецкіх войскаў з Афганістана. Стартам святкаванняў памятнай даты стала дваццаць першая міжрэгіянальная сустрэча воінаў-інтэрнацыяналістаў Бялыніцкага, Круглянскага, Магілёўскага і Шклоўскага раёнаў, якая адбылася 8 лютага на базе прафесійнага агралесатэхнічнага каледжа імя К. П. Арлоўскага ў Буйнічах.

Далей на працягу тыдня ва ўсіх раёнах паўсюдна праходзілі вечары з ушанаваннем воінаў-інтэрнацыяналістаў. Да магіл загінулых у той вайне ўскладалі вянкі і кветкі, у адукацыйных установах арганізоўвалі вечары памяці, моладзевыя патрыятычныя акцыі, канцэрты, рэквіемы.

Фінальныя ўрачыстыя мерапрыемствы адбудуцца 15 лютага ў горадзе на Дняпры. У 10.00 у Доме саветаў запланавана сустрэча старшыні Магілёўскага аблвыканкама Уладзіміра Даманеўскага з сем’ямі загінулых воінаў-інтэрнацыяналістаў, кіраўнікамі гарадскіх і раённых арганізацый ГА «Беларускі саюз ветэранаў вайны ў Афганістане». У 11.30 на плошчы Славы пройдзе ўскладанне кветак. Урачысты мітынг пачнецца а 12.00 на набярэжнай Дняпра, дзе ўзведзена капліца воінам-інтэрнацыяналістам. У мерапрыемстве прымуць удзел ветэраны вайны ў Афганістане з усіх раёнаў Прыдняпроўскага краю, родныя і блізкія загінулых, прадстаўнікі абласной і гарадской улады, прадпрыемстваў, грамадскасць, моладзь. Людзі ўшануюць памяць землякоў хвілінай маўчання, ускладуць вянкі і кветкі да падножжа манумента. У 14.00 на сцэне Палаца культуры вобласці адбудзецца канцэрт, прысвечаны 30-й гадавіне вываду савецкіх войскаў з Афганістана.

За дзесяцігоддзе баявых дзеянняў у Афганістане праз горан вайны прайшло каля 3,5 тыс. ураджэнцаў Магілёўшчыны. Амаль паўтары тысячы афіцэраў і салдат за стойкасць і мужнасць, праяўленыя пры выкананні інтэрнацыянальнага абавязку, узнагароджаны баявымі ордэнамі і медалямі. Пасмяротна звання Героя Савецкага Саюза ўдастоены магілёвец Андрэй Мельнікаў.

 

При использовании материалов активная гиперссылка на mogilev-region.gov.by обязательна