Магілёўская вобласць перасягнула мяжу 1 млн тон намалоту збожжа новага ўраджаю

Магілёўская вобласць перасягнула мяжу 1 млн т намалоту збожжа новага ўраджаю.

Урачыстае мерапрыемства сабрала на полі ЗАТ «ААБ-Агра Гарадзец» прадстаўнікоў Шклоўскага і Магілёўскага раёнаў. Менавіта яны першымі ў рэгіёне перайшлі планку 100 тыс. т намалоту.

«Менавіта на полі гаспадаркі «ААБ-Агра Гарадзец» была сабрана 100-тысячная тона збожжа ў Шклоўскім раёне і мільённая - у Магілёўскай вобласці. Гэта вельмі значная лічба, у якую наш раён унёс свой уклад. У яе ўваходзяць збожжавыя і зернебабовыя без уліку рапсу. Трэба ўбраць яшчэ больш як 20 працэнтаў, хоць на сёння мы выканалі пастаўленую перад раёнам задачу - намалацілі 103 тыс. т збожжавых і зернебабовых культур, - расказаў старшыня Шклоўскага райвыканкама Сяргей Барташ. - У поспеху шклоўскіх аграрыяў усё адыграла сваю ролю, у тым ліку дзяржаўныя і абласныя праграмы па падтрымцы сельскай гаспадаркі: тэхнічнае абсталяванне, забеспячэнне мінеральнымі ўгнаеннямі. Садзейнічалі і ўмовы надвор'я - дажджы, якія першапачаткова нас палохалі, у далейшым садзейнічалі наліву збожжа. Усё збожжа мы збяром і ўвойдзем ужо ў новы сезон: ужо ідзе закладка ўраджаю пад наступны год. Настрой баявы - справімся з усімі задачамі».

Як адзначыў старшыня Магілёўскага райвыканкама Дзмітрый Мудрагелаў, раён унёс важкі ўклад у каравай вобласці і спыняцца на дасягнутым тут не маюць намеру. «Мы працягваем працаваць на палях, і, думаю, гэта яшчэ не мяжа. Работы вядуцца па ўсіх напрамках, перш за ўсё ўпор зроблены на нарыхтоўцы збожжавых. Мы сёння не проста строім планы, а закладваем падмурак будучага ўраджаю – актыўна арэм і сеем. І за гэты вялікі дзякуй нашым людзям, на якіх трымаецца сельская гаспадарка. Яны адказныя і працавітыя, у сезон знаходзяцца ў полі з раніцы і да позняга вечара, а калі ішлі дажды, лавілі скурную пагадлівую хвіліну - рабілі ўсё, каб сабраць і захаваць хлеб новага ўраджаю», - падкрэсліў ён.

З дасягненнем высокіх паказчыкаў аграрыяў павіншаваў старшыня Магілёўскага аблвыканкама Анатоль Ісачэнка. «Магілёўская вобласць намалаціла 1 млн т, і гэта нядрэнны вынік, хаця на палях яшчэ стаіць збожжа: па падліках спецыялістаў, мы пакладзем у засекі яшчэ каля 300 тыс. т. Заўсёды трэба імкнуцца да больш высокага выніку, і ў нас для гэтага ёсць усе магчымасці: людзі, зямля, мірнае неба, - адзначыў ён. - Сёлета былі спрыяльныя ўмовы надвор'я для ўраджаю, але складаныя для ўборкі. Але нашы аграрыі паказваюць упартасць і даказваюць, што ў любых умовах надвор'я могуць дабівацца выніку. І гэта радуе. Выказваю падзяку тым, хто араў, сеяў, працаваў на хіміі. Дзякуй спецыялістам і кіраўнікам. Гэта праца ўсіх нас, бо толькі сумеснымі намаганнямі можна дабіцца добрага выніку».

Паводле слоў Анатоля Ісачанкі, у Магілёўскай вобласці на гэты момант 242 камбайнеры перасягнулі тысячны рубеж, 28 экіпажаў - двухтысячны, 8 - чатырохтысячны. І гэта яшчэ не канчатковыя лічбы, за якімі хаваецца карпатлівая і цяжкая праца.

Акрамя гэтага, на палях рэгіёну працягваецца нарыхтоўка кармоў, ідзе сяўба азімых культур пад ураджай наступнага года.

БЕЛТА, фота mogilevnews.by