Магілёўскія спартсменкі заваявалі ўзнагароды на рэспубліканскіх спаборніцтвах і першынстве Беларусі па конным спорце

У Ратамцы (Мінская вобласць) прайшлі рэспубліканскія спаборніцтвы і першынство Беларусі па конным спорце (выездцы).

Некалькі ўзнагарод заваявалі прадстаўнікі Магілёўскага цэнтра алімпійскага рэзерву па конным спорце і сучасным пяцібор’і. У камандным першынстве Беларусі па выездцы Ева Аксанюк, Анастасія Ніканорава, Марыя Куляшова занялі другое месца, прапусціўшы наперад толькі каманду Мінскай вобласці.

Ева Аксянюк на кані Ваксайд стала таксама ўладальніцай бронзавай узнагароды ў асабістым першынстве Беларусі ў праграме «Камандны прыз». Яшчэ адну бронзу ў праграме «Сярэдні прыз No1» заваявала Анастасія Янкоўская на кані Ватыкан. Яна стала трэцяй і ў КЮР па праграме «Сярэдні прыз No1» рэспубліканскіх спаборніцтваў.

mogilevnews.by