Скончыў працу VII Усебеларускі народны сход. Аднагалосна прыняты Ваенная дактрына і Канцэпцыя нацыянальнай бяспекі. Дэлегацыі раз'ехаліся па рэгіёнах. І яшчэ доўга будуць абмяркоўваць, і дзяліцца пасыламі тыя, каму пашчасціла стаць дэлегатамі і ўдзельнікамі адной з важных палітычных падзей Беларусі.
Старшыня Магілёўскай гарадской Рады дэпутатаў Максім Гурын:
- Галоўны пасыл, які гучаў на працягу двух дзён сходу – «Час выбраў нас!». Мы разам нясем адказнасць за выкананую працу, за дабрабыт нашага горада, вобласці і ўсёй краіны.
Перакананы, што разгледжаны ўсе канцэптуальныя пытанні для захавання стабільнасці ў Беларусі. Хочацца, каб наша краіна заўсёды заставалася такой жа светлай і чыстай. А самае неабходнае для ўсіх нас зараз - захаваць згоду.
Пасля ВНС мы пойдзем у працоўныя калектывы, будзем размаўляць з нашым насельніцтвам, грамадскімі арганізацыямі і даносіць тыя пасылы, якія прагучалі падчас сходу. Будзем працаваць над згуртаваннем нашага грамадства, захоўваць адзінства ўнутры краіны, развіваць Беларусь і рабіць усё, каб жыццё нашых людзей было яшчэ лепшым і прыгажэйшым.
Галіна Гаўрыловіч, фота з асабістага архіва дэлегата УНС
Пры выкарыстанні матэрыялаў актыўная гіперспасылка на mogilev-region.gov.by абавязковая
20.08.2025 - 11:06
Леанід Заяц аб 1 млн тон збожжа ў Магілёўскай вобласці: гэта істотны ўклад у харчовую бяспеку краіны
11.08.2025 - 16:34
11.08.2025 - 13:23
08.08.2025 - 17:44