Матдапамогу на падрыхтоўку дзяцей да школы атрымалі больш за 1,4 тыс. медработнікаў Магілёўскай вобласці

Матэрыяльную дапамогу на падрыхтоўку дзяцей да новага навучальнага года атрымалі больш за 1,4 тыс. медработнікаў Магілёўскай вобласці. Прафсаюз выдзеліў на гэтыя мэты звыш Br62 тыс., наймальнік - больш як Br90 тыс., расказалі ў абласной арганізацыі Беларускага прафсаюза работнікаў аховы здароўя.

Як адзначылі ў абласной арганізацыі галіновага прафсаюза, аказанне дапамогі сем'ям напярэдадні новага навучальнага года стала добрай традыцыяй для першасных прафсаюзных арганізацый устаноў аховы здароўя, бо такая дапамога ніколі не будзе лішнім для бацькоў.

«Асаблівая ўвага пры аказанні матэрыяльнай дапамогі была ў тым ліку нададзена бацькам, якія сёлета адправілі сваіх дзяцей у першы клас, а таксама няпоўным, шматдзетным і малазабяспечаным сем'ям. Усяго выплаты атрымалі больш за 1,4 тыс. медработнікаў рэгіёну на падрыхтоўку да школы амаль 1,8 тыс. дзяцей», - удакладнілі ў абласной арганізацыі.

БЕЛТА