Меркаванне: міралюбівая палітыка нашай дзяржавы застаецца нязменнай

Штогадовае Пасланне Прэзідэнта беларускаму народу і Нацыянальнаму сходу заўсёды прыцягвала вялікую ўвагу, бо ў выступленні закранаюцца важнейшыя аспекты жыцця нашай краіны, вызначаецца яе далейшае ўсебаковае развіццё, якое, безумоўна, цікавіць кожнага беларуса. Пасланне Прэзідэнта і сёння застаецца тэмай, якая найбольш абмяркоўваецца, таму прадстаўнікі дэлегацыі Магілёўскага раёна прадаўжаюць сустрэчы ў працоўных калектывах і з насельніцтвам. Адна з такіх сустрэч адбылася ў ТАА «Птушкафабрыка «Раманавічы».

Намеснік старшыні Магілёўскага райвыканкама Ірына Чындо, якая стала ўдзельнікам Паслання Прэзідэнта беларускаму народу і Нацыянальнаму сходу, абмеркавала з працоўным калектывам птушкафабрыкі асноўную тэму Паслання Прэзідэнта - умовы захавання суверэнітэту і незалежнасці Рэспублікі Беларусь.

- Як падкрэсліў Кіраўнік дзяржавы, у найноўшай гісторыі Беларусі гэта пытанне яшчэ ніколі не стаяла так востра, ніколі ў гісторыі мы не падыходзілі да такой небяспечнай рысы, калі трэба ўдзяліць асаблівую ўвагу захаванню суверэнітэту і незалежнасці, - адзначыла Ірына Чындо.

Намеснік старшыні Магілёўскага райвыканкама падрабязна расказала пра асноўныя ўмовы захавання суверэнітэту і незалежнасці, якія былі абазначаны Кіраўніком дзяржавы, – гэта народнае адзінства, якое давала нам сілы ў пераломныя моманты гісторыі, гістарычная памяць і нашы нацыянальныя традыцыі, эканоміка, сацыяльная справядлівасць, незалежная знешняя палітыка і абараназдольнасць дзяржавы.

- У ходзе выступлення Кіраўнік дзяржавы падкрэсліў усе вышэйназваныя галоўныя складальнікі незалежнасці, якія патрабуюць далейшага развіцця. Выключна важным з'яўляецца тое, што міралюбівая палітыка нашай дзяржавы застаецца нязменнай, - дадала Ірына Чында.

Падагульніла сваё ўступленне Ірына Чындо словамі Кіраўніка дзяржавы: «Суверэнітэт, незалежнасць не даюцца раз і назаўжды. Гэта сталая неабходнасць дэманстраваць, што ў нас ёсць воля, ёсць свае каштоўнасці, свае традыцыі і свой гістарычны шлях. Шлях міру і стварэння. Беларусь - гэта наша зямля. Толькі мы самі ведаем, як павінна развівацца Беларусь, толькі мы вызначаем і будзем вызначаць стратэгію гэтага развіцця, і толькі мы нясем адказнасць за сваю будучыню».

pniva.by