Мінадукацыі: цана за карыстанне падручнікамі ў новым навучальным годзе вырасце неістотна

Цана карыстання школьнай навучальнай літаратурай у новым навучальным годзе вырасце неістотна. Такая інфармацыя размешчана ў Telegram-канале Міністэрства адукацыі.

Павелічэнне цаны звязана са змяненнем значэння базавай велічыні. «Кошт школьных падручнікаў складае 0,5 базавай велічыні, якая з 1 студзеня 2022 года складае Br32. У сувязі з гэтым кошт карыстання школьнымі падручнікамі ў Беларусі павялічыцца да Br16. У параўнанні з мінулым годам, калі базавая велічыня складала Br29, цана павялічылася ўсяго на Br1,5», – гаворыцца ў паведамленні.

БЕЛТА