Мінсельгасхарч скарэктаваў мінімальныя экспартныя цэны на мяса-малочную прадукцыю

Міністэрства сельскай гаспадаркі і харчавання ўстанавіла гранічныя мінімальныя цэны на тавары, якія рэалізуюцца па знешнегандлёвых дагаворах. Адпаведная пастанова ведамства нумар 112 ад 17 кастрычніка апублікавана на Нацыянальным прававым інтэрнет-партале.

У пераліку тавараў, што рэалізуюцца па знешнегандлёвых дагаворах, які прыкладаецца да пастановы, - дзевяць пазіцый. Лімітавыя мінімальныя цэны ўстаноўлены для паставак туш і паўтуш буйной рагатай жывёлы (ад маладняку і ад дарослай жывёлы) свежых або астуджаных, а таксама замарожаных, іншых вотруб'яў БРЖ, неабваленых, малака і вяршкоў, згушчаных або з дабаўленнем цукру або іншых падсалоджвальных рэчываў, у парашку , гранулах або ў іншых цвёрдых відах, у тым ліку малочныя сухія прадукты, з утрыманнем тлушчу не больш ці больш за 1,5%.

Указаны і гранічныя мінімальныя цэны для сметанковага масла рознай тлустасці, сыроў нятлустых і абястлушчаных для плаўлення, тлустасцю ніжэй і вышэй за 45%.

Цэны ўстаноўлены асобна для паставак у Расію, іншыя краіны ЕАЭС, дзяржавы СНД (акрамя краін ЕАЭС) і Грузію, а таксама для краін па-за СНД (акрамя Грузіі).

Апублікаваны дакумент прызнае страціўшай сілу пастанову Міністэрства сельскай гаспадаркі і харчавання нумар 102 ад 1 кастрычніка «Аб устанаўленні гранічных мінімальных цэн» і ўступіў у сілу з 19 кастрычніка.

БЕЛТА