Мітынг-рэквіем адбудзецца 20 сакавіка на мемарыяльным комплексе памяці спаленых вёсак Магілёўскай вобласці

Мітынг-рэквіем «Усенародны боль і памяць», прысвечаны памяці спаленых жыхароў вёскі Боркі Кіраўскага раёна, адбудзецца 20 сакавіка. Пачатак у 10.00.

У мерапрыемстве прымуць удзел прадстаўнікі выканаўчай і прадстаўнічай улады вобласці, Магілёва і Бабруйска, раёнаў, грамадскіх арганізацый і аб’яднанняў, моладзь.

Праграмай запланавана ўскладанне вянкоў і кветак. Жалобную памінальную літыю па спаленых адслужыць настаяцель Свята-Пакроўскага храма пратаіерэй Дзмітрый Первій. Затым пройдзе набажэнства ў капліцы ў гонар іконы Божай Маці «Спагнанне загінулых» і экскурсія па мемарыяльным комплексе.

У Баркоўскім сельскім клубе-музеі арганізуюць прэзентацыю, якая расказвае пра гісторыю стварэння мемарыяла «Памяці спаленых вёсак Магілёўскай вобласці», чытанне паэмы «Марыйка».

Мітынг-рэквіем стане часткай маштабнай патрыятычнай акцыі «Памяць», прымеркаванай да Дня памяці Хатынскай трагедыі, якая гэтымі днямі праходзіць па ўсёй краіне. Жыхары Магілёўскай вобласці, як і ўсе беларусы, наводзяць парадак на мемарыялах і помніках спаленым вёскам.

Ред., фото СБ