Міжнародны фестываль «Анімаёўка-2023» стартуе ў Магілёве 11 кастрычніка

Ужо заўтра, 11 кастрычніка, у Магілёве стартуе XXVI Міжнародны фестываль анімацыйных фільмаў «Анімаёўка-2023». Пра гэта паведамілі ў Магілёўскім дзяржаўным прадпрыемстве «Кінавідэапракат».

Культурная праграма пачнецца з адкрыцця дзіцячай творчасці, майстар-класаў і творчых сустрэч. У 14.00 адбудзецца ўрачыстае адкрыццё фестывалю, а потым конкурсная праграма.

Як расказалі субяседнікі, падчас фестывалю журы выбера пераможцаў у трох конкурсах: анімацыйных фільмаў, дзіцячай анімацыйнай творчасці, дзіцячай выяўленчай і дэкаратыўна-прыкладной творчасці.

«На «Анімаёўку-2023» заяўлена 188 фільмаў з 30 краін свету, - адзначылі арганізатары. -Упершыню ў конкурсах фестывалю бяруць удзел такія краіны, як Перу, Парагвай, Катар.

На конкурс дзіцячай выяўленчай і дэкаратыўна-прыкладной творчасці даслалі – 95 работ з Беларусі. Творчыя фантазіі можна ўбачыць на выставе работ у кінатэатрах «Радзіма», «Чырвоная Зорка», «Космас».

Дарэчы, імёны пераможцаў будуць аб'яўлены на ўрачыстым закрыцці XXVI Міжнароднага фестывалю анімацыйных фільмаў «Анімаёўка-2023» - 13 кастрычніка ў кінатэатры «Радзіма».

Арганізатары - Міністэрства культуры Рэспублікі Беларусь і Магілёўскі абласны выканаўчы камітэт.

Праграма фестывалю

Рэд.