Міжнародны фестываль народнай творчасці «Вянок дружбы» пройдзе ў Бабруйску 28-30 чэрвеня. Пра гэта паведамілі ў гарвыканкаме.
Горад на Бярэзіне будзе праводзіць «Вянок дружбы» пятнаццаты раз. Форум з’яўляецца візітнай карткай Бабруйска. У гэтыя дні горад сапраўды становіцца сталіцай Дружбы. За гісторыю фестывалю яго ўдзельнікамі былі каля 300 калектываў з 43 краін 5 кантынентаў, больш за 8,5 тыс. гасцей дэманстравалі самабытныя песні і танцы.
Зараз аддзел культуры Бабруйскага гарадскога выканаўчага камітэта прымае заяўкі ад патэнцыяльных удзельнікаў мерапрыемства – творчых калектываў, у рэпертуары якіх адлюстраваны нацыянальныя культурныя традыцыі краіны. Анкету неабходна накіроўваць на адрас: 213827, г. Бабруйск, плошча Леніна, 1 з пазнакай «у аргкамітэт Міжнароднага фестывалю народнай творчасці «Вянок дружбы»», або на электронны адрас kultura-bobr@tut.by. Канчатковы спіс тых, каго запросяць на фестываль, плануецца сфарміраваць да пачатку красавіка.
Выступленні на форуме не носяць конкурснага характару, а праходзяць пад дэвізам роўнай значнасці і мастацкай каштоўнасці яго ўдзельнікаў, нацыянальных культур і традыцый.
Калектывы, якія прыехалі на мерапрыемства, возьмуць удзел у конкурсе «Вянок як сімвал фестывалю – у падарунак фестывалю», урачыстым адкрыцці і закрыцці, святочным тэатралізаваным шэсці, вечары дружбы з прэзентацыяй нацыянальных пачастункаў. Госці прывязуць з сабой сувеніры, якія аб’яднаюцца ў выставу. Пасля яе заканчэння экспанаты перададуць у фонды Бабруйскага краязнаўчага музея. Таксама ўдзельнікі фестывалю змогуць выступіць з канцэртнымі праграмамі і творчымі сустрэчамі на прадпрыемствах горада на Бярэзіне, раёнах Магілёўскай вобласці, азнаёміцца з гісторыяй Бабруйска і наведаць мясцовыя музеі.
Фота - "Бабруйскае жыццё"
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 12:13
Аляксандр Лукашэнка: асноўную рэальную рызыку для Беларусі стварае гарачая кропка ва Украіне
24.04.2024 - 14:34
«Гэта эвалюцыйнае развіццё». Аляксандр Лукашэнка на УНС аб новым этапе ў палітычным жыцці краіны
24.04.2024 - 09:07
Час выбраў нас! Усебеларускі народны сход пройдзе 24-25 красавіка ў Палацы Рэспублікі
23.04.2024 - 12:43
На пасадзе намесніка старшыні Магілёўскага аблвыканкама зацверджаны Алег Стэльмашок
20.04.2024 - 16:06