XVIII Міжнародны пленэр па кераміцы «АРТ-Жыжаль» стартуе ў Бабруйску 12 ліпеня. Пра гэта паведамілі ў Бабруйскім гарвыканкаме.
У гэтым годзе міжнародны пленэр па кераміцы будзе праходзіць на базе адпачынку «Вербкі» гасцінічнага комплексу ААТ «ФанДАК». Пленэр працягнецца 18 дзён. У ім прымуць удзел 18 прафесійных мастакоў-керамістаў з Беларусі, Расіі і Егіпта.
Асноўнай тэмай пленэру сёлета стане культура і мастацтва ў гістарычных фактах, асобах і падзеях. Удзельнікам прапануюць раскрыць у дэкаратыўных вырабах пэўныя гістарычныя, традыцыйныя, нацыянальна значныя з'явы, падзеі, асобы, так ці інакш звязаныя з культурай і мастацтвам краін, прадстаўнікамі якіх з'яўляюцца ўдзельнікі пленэру.
У сваіх працах керамісты павінны не толькі адлюстраваць асноўную тэму, але і выканаць шэраг прафесійных задач. Акрамя таго, падчас пленэру прадугледжана правядзенне майстар-класаў і эксперыментальных абпалаў, а таксама культурная праграма і шоу-абпал «Вогненная скульптура».
Завершыцца пленэр урачыстым адкрыццём выніковай выставы «Кераміка жывога агню», якое пройдзе 28 ліпеня ў Бабруйскім мастацкім музеі.
Арганізатарамі мерапрыемства выступаюць Магілёўскі абласны выканаўчы камітэт і Бабруйскі гарадскі выканаўчы камітэт пры садзейнічанні грамадскага аб'яднання «Беларускі саюз мастакоў».
Пры выкарыстанні матэрыялаў актыўная гіперспасылка на mogilev-region.gov.by абавязковая
24.02.2025 - 09:33
Магілёўскі драмтэатр: на многія пастаноўкі форуму «М.@rt кантакт — 2025» білеты амаль распрададзены
20.02.2025 - 10:34
Новыя падрабязнасці пра тэатральны форум «M.@rt кантакт»-2025
19.02.2025 - 12:16
Спектакль «Сабачае сэрца» пермскага тэатра паказалі ў Магілёве
18.02.2025 - 16:22