Міністэрства падаткаў і збораў Беларусі хоча перайсці на стопрацэнтную падачу дэкларацый у электронным выглядзе, як паведаміў кіраўнік установы Сяргей Налівайка ў інтэрв’ю праграме «Галоўны эфір» на тэлеканале «Беларусь 1».
«У нас пераважная большасць – 88% з лішнім плацельшчыкаў – ужо падае дэкларацыі ў электронным выглядзе. Мы хочам, каб такіх суб’ектаў было 100%, у тым ліку і фізічных асоб», – адзначыў Сяргей Налівайка.
На думку міністра, сёння ёсць магчымасці для выбудоўвання дыстанцыйнага ўзаемадзеяння паміж падатковай і плацельшчыкам. МПЗ нацэлена на тое, каб аддалена маніторыць дзейнасць падаткаплацельшчыка, дапамагаць яму і падказваць. «Думаю, суб’екты гаспадарання пацвердзяць, што апошнія гады падаткавікі больш займаюцца такой прафілактычнай працай, папераджальнай. І перш чым выйсці на праверку, як мінімум два-тры папярэджанні паступае суб’екту, даецца магчымасць прывесці свае справы, свае лічбы ў парадак. Гэты трэнд будзе вытрымлівацца і ў далейшым», – сказаў Сяргей Налівайка.
МПЗ разлічвае, што праз тры гады каля 80% суб’ектаў гаспадарання ўжо не трэба будзе самім запаўняць дэкларацыю – за іх гэта будзе рабіць падатковая. Суб’екту гаспадарання перад падпісаннем дэкларацыі трэба будзе толькі ацаніць дакладнасць і карэктнасць даных у ёй.
Пры выкарыстанні матэрыялаў актыўная гіперспасылка на mogilev-region.gov.by абавязковая
22.04.2025 - 09:37
Магілёўская асацыяцыя прамыслоўцаў пашырае міжнародныя кантакты (відэа)
17.04.2025 - 09:05
