На 55% даходы бюджэту Магілёўскай вобласці сфарміраваныя плацельшчыкамі дзяржаўнага сектара эканомікі

Br524,7 млн. паступіла ў кансалідаваны бюджэт Магілёўскай вобласці ад арганізацый дзяржаўнага сектара эканомікі за студзень-жнівень 2020 года. На іх долю прыпадае 54,8% агульных паступленняў. Пра гэта паведамілі ў прэс-цэнтры інспекцыі МПЗ Рэспублікі Беларусь Магілёўскай вобласці.

«Ад арганізацый недзяржаўнага сектара паступіла Br368,4 млн. (38,5%), індывідуальных прадпрымальнікаў–Br35, 4 млн. (3,7%), фізічных асоб – Br28, 8 млн. (3%)», – расказалі ў прэс-цэнтры.

Агульныя паступленні ў бюджэт вобласці склалі Br957,3 млн.

Дарэчы, па стане на 1 верасня 2020 года ў Магілёўскай вобласці лічыцца 416,2 тыс. дзеючых плацельшчыкаў, у тым ліку 13,2 тыс. арганізацый недзяржаўнага сектара, 2,4 тыс. арганізацый дзяржаўнага сектара, 25,6 тыс. індывідуальных прадпрымальнікаў і 375 тыс. фізічных асоб.