На заводзе па вытворчасці паліўных пелет Клічаўскага лясгаса за 2 квартал 2020 года вырабілі 1 тыс. т прадукцыі. Пра гэта паведаміла загадчык сектара вытворча-тэхнічнага аддзела Магілёўскага абласнога ўпраўлення па наглядзе за рацыянальным выкарыстаннем ПЭР Дэпартамента па энергаэфектыўнасці Маргарыта Міцюшава.
Завод увялі ў эксплуатацыю ў маі бягучага года, стварыўшы 12 новых высокакваліфікаваных рабочых месцаў. Ён стаў адным з шасці вытворчасцей пілотнага праекта Міністэрства лясной гаспадаркі, згодна з якім у кожнай з абласцей было вызначана па адным лясгасе, дзе павінны былі з’явіцца заводы магутнасцю 20–30 тыс.т пелет на год. Гэта Пружанскі, Пастаўскі, Мазырскі доследны, Навагрудскі, Барысаўскі доследны і Клічаўскі лясгасы.
У будаўніцтва завода ў Клічаве ўкладзены сродкі інавацыйнага фонду Мінлясгаса, а таксама мясцовага лясгаса. Тут ўстаноўлена аўтаматычная лінія па вытворчасці паліўных пелет прадукцыйнасцю 3 т на гадзіну. Яна дазваляе перапрацаваць значныя аб’ёмы адходаў лесанарыхтоўкі і лесапілавання: для працы неабходна 56 тыс.шчыльных метраў кубічных сыравіны ў год. Такім чынам адбываецца ачыстка лесу ад захламленасці, адходы пераўтвараюцца ў альтэрнатыўнае біяпаліва, якое выкарыстоўваецца на энергакрыніцах камунальнікаў.
Згодна з бізнес-планам, акрамя рэалізацыі на мясцовым узроўні, пелеты,што вырабляюцца на прадпрыемстве, плануецца пастаўляць у краіны Еўрасаюза.
Фото - energoeffekt.gov.by
Пры выкарыстанні матэрыялаў актыўная гіперспасылка на mogilev-region.gov.by абавязковая
23.04.2025 - 11:57
Мастер-классы и спортивный драйв: Белыничи станут площадкой молодежного регионального проекта
21.04.2025 - 10:54
Абноўленая плошча Перамогі ў Бабруйску. Рэканструкцыя да 80-годдзя Вялікай Перамогі
21.04.2025 - 10:06
Сяўба лёну на Магілёўшчыне: як аграрыі Шклоўскага раёна б'юць рэкорды па пасяўных плошчах
18.04.2025 - 10:31
16.04.2025 - 09:19
Рашэнне кватэрнага пытання - будаўніцтва арэнднага жылля. Адмысловая ўвага шматдзетным сем'ям
10.04.2025 - 14:48
Сучасны басейн для дзяцей і дарослых з'явіцца ў Слаўгарадзе ў 2025 годзе