На Магілёўшчыне прыступілі да збору кавуноў

На Магілёўшчыне прыступілі да збору кавуноў у прамысловых маштабах. Культура для рэгіёна новая. Але, нягледзячы на гэта, ягада вырасла буйной і салодкай.

Заняцца бахчавымі гаспадарцы «Рассвет імя Арлоўскага» параілі навукоўцы. Клімат стаў цяплейшым, і ёсць шанец вырасціць добры ўраджай кавуноў. Па вясне насенне дружна ўзышло ў цяпліцы, затым расаду перасадзілі на поле. Тры месяцы спатрэбілася бахчавым, каб паспець.

У якасці эксперыментальных выбралі тры гатункі: кожны адрозніваецца па смакавых якасцях, форме і нават колеры. На адным з участкаў паспелі амаль чорныя кавуны. Раслі гіганцкія ягады літаральна на вачах, за дзень дадаючы па пары сотняў грамаў. Пакуль рэкордная вага аднаго кавуна–8 300. Зараз спецыялісты ацэньваюць эксперыментальны ўраджай і ўжо падумваюць аб працы над памылкамі.

Смак таксама парадаваў: кавун сакавіты, салодкі. Эксперымент атрымаўся, так што на будучы год плошчы пад новую культуру павялічаць. Зараз аграномы падбіраюць прыдатны ўчастак.

Масавая ўборка бахчавых у «Рассвеце» пачнецца з дня на дзень. Каб ураджай паступіў у продаж, цяпер збіраюць усе неабходныя дакументы. Купіць рассветаўскі кавун можна будзе ў фірмовай гандлёвай сетцы. А яшчэ ў гаспадарцы маюць намер працягнуць іншы эксперымент: па суседстве з кавунамі ў адзін рад пасадзілі дыні, і яны таксама паспелі. А значыць, ёсць сэнс займацца і гэтай культурай.

ОНТ