На свяце «Купалле» маладое пакаленне вывучае традыцыі, якія з’яўляюцца асновай духоўнасці беларусаў – Ігар Петрышэнка

На «Купаллі» ў Александрыі маладое пакаленне вывучае традыцыі, якія з’яўляюцца асновай духоўнасці беларусаў. На гэта звярнуў увагу намеснік прэм’ер-міністра Рэспублікі Беларусь Ігар Петрышэнка, адкрываючы свята.

Ён падкрэсліў: фестываль стаў культурным брэндам краіны, гонарам народа. Штогод у ліпені на беразе Дняпра збіраюцца прадстаўнікі брацкіх народаў, каб пазнаёміцца і пасябраваць.

Не менш важна, што на свяце майстры шырока дэманструюць тое, чаму іх навучыла жыццё, бацькі, дзяды і прадзеды. «Без традыцый няма будучыні ні ў адной краіны. А ў нас гэтыя традыцыі ёсць, яны жывуць, развіваюцца», – канстатаваў намеснік прэм’ер-міністра.

Ён пажадаў гасцям «Купалля» настрою і магутнага ўнутранага запалу, які захаваўся б да наступнага фестывалю.