Начальнік аддзела выхаваўчай работы і аховы дзяцінства Магілёўскага аблвыканкама Наталля Кульчанка аб Рэспубліканскім педсавеце

Сёння ў Мінску прайшоў Рэспубліканскі педсавет з удзелам Прэзідэнта Беларусі Аляксандра Лукашэнкі. У сходзе бралі ўдзел прадстаўнікі Магілёўскай вобласці.

Начальнік аддзела выхаваўчай работы і аховы дзяцінства галоўнага ўпраўлення па адукацыі Магілёўскага аблвыканкама Наталля Кульчанка:

- Сёння ў рамках Рэспубліканскага педагагічнага савета былі падведзены вынікі работы сістэмы адукацыі краіны па выкананні раней пастаўленых задач і вызначаны вектары далейшага развіцця. Упэўнена, кожны з прысутных у зале з'ехаў да сябе ў рэгіён, у сваю ўстанову адукацыі з дакладным разуменнем далейшых дзеянняў і ўсведамленнем ролі сістэмы адукацыі ў жыцці кожнага чалавека і нашай краіны.

Мне здаецца, што сённяшняя сустрэча кіраўніка дзяржавы з педагагічнай грамадскасцю - яркі прыклад адкрытага дыялога, дзе гаварылася не толькі аб дасягненнях, але і аб тым, што адбываецца вакол нашай краіны, а значыць, і аб ролі кожнага педагога асобна і сістэмы адукацыі ў цэлым. Вылучыла для сябе цытаты: «Сфера адукацыі - гэта дзяржаваўтваральная галіна»; «Калі сёння не будзе адукаванай, выхаванай у сваёй краіне моладзі, заўтра не будзе і краіны».

Галіна Гаўрыловіч, фота ўдзельнікаў педсавета