Начальнік УУС Магілёўшчыны ўручыў Падзякі і каштоўныя падарункі кіраўнікам прадпрыемстваў, якія аказалі садзейнічанне ў рэканструкцыі мемарыяла батальёна міліцыі

Начальнік упраўлення ўнутраных спраў Магілёўскага аблвыканкама генерал-маёр міліцыі Ігар Шчарбачэня сустрэўся на мемарыяльным комплексе «Батальён міліцыі пад камандаваннем Канстанціна Уладзімірава» з прадстаўнікамі арганізацый абласнога цэнтра, якія прымалі ўдзел у яго рэканструкцыі.

- Дзякуючы вашаму непасрэднаму ўдзелу мы змаглі захаваць гэта гістарычна знакавае месца, каб перадаць яго памяць нашым дзецям і выхоўваць будучыя пакаленні на гераічных прыкладах мінулага, - звярнуўся да прысутных Ігар Уладзіміравіч.

Для ганаровых гасцей была праведзена экскурсія па мемарыяльным комплексе, падчас якой старшыня Магілёўскага абласнога Савета ветэранаў АУС і СТСТ палкоўнік міліцыі ў адстаўцы Яўген Кавалёнак расказаў аб подзвігу байцоў міліцэйскага батальёна.

Пасля чаго ўдзельнікі мерапрыемства ўсклалі кветкі да брацкай магілы і ўшанавалі памяць загінуўшых праваахоўнікаў.

Кіраўнікам устаноў і прадпрыемстваў Магілёва былі ўручаны Падзякі ад імя Міністра ўнутраных спраў Рэспублікі Беларусь генерал-лейтэнанта міліцыі Івана Кубракова і начальніка УУС Магілёўшчыны генерал-маёра міліцыі Ігара Шчарбачэні і памятныя падарункі.

Пасля завяршэння цырымоніі ганаровыя госці зрабілі памятныя фота ў зараз ужо асаблівым і для кожнага з іх месцы.

mogilev.mvd.gov.by