Народны дэпутат Святлана Шутава аб Пасланні Прэзідэнта: Чайлдфры - гэта не пра беларусаў

У Пасланні народу і Парламенту Прэзідэнт заклікаў спыняць у інфармацыйнай і культурнай прасторы любую папулярызацыю ідэй бяздзетнай сямейнай пары. Чайдлфры - гэта не пра беларусаў. Такое меркаванне выказала дэпутат Палаты прадстаўнікоў Нацыянальнага сходу, член прэзідыума Магілёўскай абласной арганізацыі Беларускага саюза жанчын Святлана Шутава.

Святлана Шутава адзначыла, што абсалютна згодна з пасылам аб важнасці захавання інстытута сям'і і шлюбу ў традыцыйным разуменні гэтага слова:

- Культ паўнацэннай сям'і з двума і больш дзецьмі павінен быць стылем жыцця беларусаў, падкрэсліў Прэзідэнт. Толькі так краіна будзе прырастаць, а значыць, моцна трымаць суверэнітэт у сваіх руках. Гісторыя развіцця чалавечай цывілізацыі паказвае, што менавіта з сям'ёй звязаны першаўзоры дзяржаў. Колькасць шматдзетных сем'яў у Беларусі працягвае расці, сёння іх каля 119 тысяч. Аб шматдзетных трэба пісаць больш у газетах, аб іх трэба здымаць перадачы, таму што сем'яў, якія могуць быць прыкладам у нашай краіне, вельмі шмат. Не выключэнне ў гэтым плане і мая Асіповіцкая выбарчая акруга № 89. Заўсёды рада сустрэчы з вялікай і дружнай сям'ёй Кундзікавых з Клічава. За 32 гады свайго існавання дзіцячы дом сямейнага тыпу Кундзікавых стаў родным для 50 дзяцей і 33 унукаў! На мой погляд, гэта сапраўдны подзвіг. Я сама мама дваіх дзяцей і добра ведаю, што дзеці - гэта не толькі вялікая радасць, але і вялікая адказнасць. А яшчэ, як падкрэсліў Прэзідэнт, галоўны праект у жыцці сямейнай пары.