Наталля Пяткевіч: памочнік Прэзідэнта - гэта злучнае звяно паміж Кіраўніком дзяржавы і рэгіёнам для вырашэння аператыўных пытанняў

Памочнік Прэзідэнта Рэспублікі Беларусь - гэта злучнае звяно паміж Кіраўніком дзяржавы і рэгіёнам для вырашэння аператыўных пытанняў. Такой думкай падзялілася сёння першы намеснік Кіраўніка Адміністрацыі Прэзідэнта Наталля Пяткевіч у час прадстаўлення Сяргея Налівайкі на пасадзе памочніка Прэзідэнта Рэспублікі Беларусь - інспектара па Магілёўскай вобласці.

Прадстаўленне прайшло ў Магілёўскім аблвыканкаме.

Характарызуючы Сяргея Налівайку, Наталля Пяткевіч падкрэсліла, што нованазначаны памочнік Прэзідэнта - чалавек з вялікім вопытам, які займаецца рэальнымі эканамічнымі пытаннямі. Гэта прафесіянал высокага класа.

«Пытанні, якімі займаецца памочнік Прэзідэнта, - гэта пытанні і кадравай палітыкі, і эканамічнага развіцця рэгіёну, - адзначыла першы намеснік Кіраўніка Адміністрацыі Прэзідэнта. - Наведваючы Магілёўскую вобласць у час фестывалю-кірмашу працаўнікоў вёскі «Дажынкі», Прэзідэнт паставіў перад рэгіёнам вельмі шмат новых задач, пачынаючы ад паўтарамільённага валавога збору збожжа на будучы год, уключаючы экспарт прадуктаў харчавання, якім павінны займацца адпаведныя перапрацоўчыя прадпрыемствы, аж да вырашэння праблем арганізацыі. вольнага часу, транспартнага забеспячэння, дарожнай інфраструктуры і г.д.

Сёння мы гаворым аб развіцці эканомікі на зусім іншым узроўні. І не важна, гэта сталіца ці самы аддалены куток краіны. Мы гаворым аб інавацыйным развіцці і прыцягненні навукі. Тое, аб чым Прэзідэнт неаднаразова гаварыў. Бо навука - гэта не толькі НАН, гэта і тое, што павінна быць у галінах. Бо без гэтага далейшы рух будзе складаны ці павольны.

Краіна развіваецца, задачы стаяць больш высокія і вядома мяняецца пакаленне памочнікаў Прэзідэнта. Да іх прад'яўляюцца ўжо іншыя патрабаванні.

Наперадзе вялікія задачы і ўсім нам разам давядзецца іх вырашаць. Наступная пяцігодка для нас - гэта пяцігодка рэгіёнаў. Як сказаў Прэзідэнт Беларусі Аляксандр Лукашэнка: моцная дзяржава - гэта моцныя рэгіёны. Галоўнае не страціць тое, што было створана ў нашай рэспубліцы: развітыя рэгіёны і актыўнае жыццё насельніцтва. Усе гэтыя тэндэнцыі трэба захаваць і шмат зрабіць для таго, каб моладзь не з'яжджала з сяла. Тое, да чаго ўвесь свет імкнецца, мы павінны не ўпусціць. Зразумела, што ня ўсё можна зрабіць адразу. Але ўсе пытанні вырашаюцца і людзі бачаць гэта: з'яўляюцца дарогі, новыя дамы, ёсць магчымасць атрымаць жыллё - гэта факт. Цяпер наша агульная задача - зрабіць жыццё ў вёсцы такім жа прывабным, як у буйных гарадах», - сказала Наталля Пяткевіч.

Адной з маючых адбыцца задач будзе распрацоўка новай праграмы па развіццю паўднёвага ўсходу Магілёўскай вобласці. Новаўвядзенне закране і праграму «Адзін раён - адзін праект».

«Гэта тыя праекты, якія садзейнічаюць істотнаму развіццю рэгіёну, - адзначыла Наталля Пяткевіч. - Трэба яшчэ раз паглядзець тыя раёны, у якіх ёсць у пэўнай ступені недаразвітая забаўляльная структура. Цяпер у нас асноўная колькасць зваротаў грамадзян датычыцца транспартнага забеспячэння. Сяргею Эдуардавічу давядзецца істотна паглядзець на пытанне працы з насельніцтвам, са зваротамі грамадзян».

Першы намеснік Кіраўніка Адміністрацыі Прэзідэнта згадала, што ў найбліжэйшы час па ініцыятыве Кіраўніка дзяржавы будзе прыняты нарматыўна-прававы акт, які значна змяняе статус старшынь райвыканкамаў, і з гэтым статусам ім трэба будзе навучыцца працаваць.

«Працы шмат, задачы вялікія. Але ў нас вялізны задзел. У нас прафесійна падрыхтаваныя і жадаючыя працаваць кадры. Усё гэта ў сукупнасці з вялікай упэўненасцю дазваляе казаць, што ўсе задачы, якія стаяць перад намі, будуць рэалізаваны», - дадала Наталля Пяткевіч.

Першы намеснік Кіраўніка Адміністрацыі Прэзідэнта павіншавала Сяргея Налівайку і ўручыла пасведчанне, падпісанае Кіраўніком дзяржавы аб назначэнні на пасаду памочніка Прэзідэнта.

Старшыня Магілёўскага аблвыканкама Анатоль Ісачанка таксама павіншаваў Сяргея Налівайку з уступленнем на пасаду і пажадаў поспехаў у працы.

У сваю чаргу Сяргей Налівайка адзначыў, што задачы стаяць сапраўды сур'ёзныя. Але ўсе яны вырашальныя: «Я спадзяюся на канструктыўную падтрымку. Першапачаткова на паверхні стаіць задача арганізаваць і годна правесці электаральную кампанію. Заўсёды на кантролі ў Кіраўніка дзяржавы знаходзяцца пытанні развіцця паўднёва-ўсходняга рэгіёна Магілёўскай вобласці. У бліжэйшы час паступіць пратакол даручэнняў, які "нарадзіўся" на Дажынках у Клімавіцкім раёне. Якія б задачы нам ні ставілі, для таго мы і займаем гэтыя пасады, каб іх вырашаць і спраўляцца з гэтымі цяжкасцямі».

Нагадаем, што Кіраўнік дзяржавы Аляксандр Лукашэнка 2 лістапада назначыў Сяргея Налівайку памочнікам Прэзідэнта Рэспублікі Беларусь - інспектарам па Магілёўскай вобласці.

Да гэтага часу Сяргей Налівайка займаў пасаду міністра па падатках і зборах.

Галіна Гаўрыловіч, фота аўтара