Рус Бел Eng 中文

Навагодняя ілюмінацыя ў снежні ўпрыгожыць новыя арт-аб’екты каля палаца Пацёмкіна

На новых арт-аб’ектах каля палаца Пацёмкіна навагодняя ілюмінацыя зазіхаціць у першыя дні снежня. Як паведаміў дырэктар гістарычнага музея Крычава Уладзімір Мішчанка, зараз поўным ходам ідзе падрыхтоўка да свята. У палацы па традыцыі дадуць серыю навагодніх паказаў, а наведаюць іх сотні гасцей, дзяцей і дарослых.

Навагоднія мерапрыемствы ў Палацы Пацёмкіна пачнуць праводзіць з 18 снежня. Працягнуцца яны па 18 студзеня. Праграму рыхтуюць усе ўстановы культуры Крычава. Дзіцячая школа мастацтваў падорыць гасцям тэатралізаванае прадстаўленне і жывую класічную музыку, а бібліятэчная сетка Крычаўскага раёна – лялечны спектакль.

Прадугледзелі праграму для дзяцей усіх узростаў. Для самых маленькіх падрыхтавалі прадстаўленне «Мая першая ялінка». У палацы будуць вадзіць карагоды. Галоўнымі касцюміраванымі персанажамі свята стануць Дзед Мароз, Снягурка, Пацёмкін і Кацярына. Пройдуць экскурсіі ў суправаджэнні фрэйлін. Адкрыецца навагодняя пацёмкінская чаёўня. Напоі прыгатуюць з гаючых траў, раскажуць аб чайных традыцыях.

Святочнае афармленне палаца гэтым разам будзе асаблівым. Навагодняе падсвятленне зробяць на ўсіх новых арт-аб’ектах. Уладзімір Мішчанка дадаў, што арт-аб’екты з’явіліся на тэрыторыі палаца Пацёмкіна ў гэтым годзе. Гэта кованая карэта, скульптура «Сэрца і анёл», арка закаханых для фотасесій маладых і масток закаханых. Іх упрыгожыць навагодняя ілюмінацыя.

Палац Пацёмкіна прэтэндуе на перамогу ў чарговым конкурсе на самае лепшае навагодняе афармленне. Першынство яму належала па выніках папярэдніх спаборніцтваў.

З пачатку года палац наведала больш за 20 тыс. чалавек. У Крычаўскі музей прыязджаюць госці не толькі з Беларусі, але таксама з-за мяжы. Чакаецца, што па выніках года палац Пацёмкіна наведае больш за 25 тысяч. Снежань – самы насычаны месяц у працы ўстановы культуры. У гэты час палац-музей наведваюць сотні і нават тысячы турыстаў. Ужо паступаюць заяўкі ад турфірмаў, арганізацый і прадпрыемстваў.

Радыё Магілёў

 

 

Пры выкарыстанні матэрыялаў актыўная гіперспасылка на mogilev-region.gov.by абавязковая