У студзені ў Даўгаўпілсе прайшоў III Міжнародны конкурс маладых выканаўцаў калядных песень, у якім за перамогу змагалася каля 2 тыс. юных вакалістаў з 15 краін: Беларусі, Балгарыі, Грузіі, Казахстана, Латвіі, Літвы, Македоніі, Малдовы, Польшчы, Расіі, Румыніі, ЗША, Украіны, Харватыі, Швецыі. Выступленне ўдзельнікаў ацэньвалі эксперты вакальнай музыкі з розных краін.
Навучэнцы Магілёўскай дзяржаўнай гімназіі-каледжа мастацтваў імя Яўгена Глебава бліскуча выступілі на гэтым прэстыжным конкурсе, расказала выкладчык харавых дысцыплін установы адукацыі Вольга Жураўкова.
Пераможцам у намінацыі «Твор сакральнага характару каляднага перыяду» (сола) стала навучэнка III курса Таццяна Ступакова, а ў намінацыі «Сучасная калядная песня» – навучэнец 4 класа Цімафей Сякацкі (педагог Вольга Жураўкова, канцэртмайстар Аляксандра Ульякіна). Дыпломы II ступені заваявалі Ганна Цыганова, Дар’я Гаўрусева, Ганна Аколава, Соф’я Масензава, Вікторыя Старавойтава, Ксенія Паўлючэнка. Дыплом III ступені ў Вольгі Магілёўцавай.
Канцэртмайстар Юлія Трафімава была адзначана дыпломам за высокае прафесійнае майстэрства.
Пры выкарыстанні матэрыялаў актыўная гіперспасылка на mogilev-region.gov.by абавязковая
25.04.2024 - 16:10
У Магілёве падпісалі Пагадненне па рэалізацыі праекта «Урок у музеі»
17.04.2024 - 12:17
Аляксандр Жыгун: наша культурная спадчына дазваляе адчуваць сябе адзінай самабытнай сям'ёй
16.04.2024 - 18:00
16.04.2024 - 17:10
У Магілёве замежным гасцям паказалі беларускі абрад «Гуканне вясны»