Навучэнец магілёўскага каледжа: размова Прэзідэнта з моладдзю на адкрытым уроку ўразіла

Размова Прэзідэнта Беларусі з моладдзю на адкрытым уроку вельмі ўразіла. Такое меркаванне выказаў навучэнец 3-га курса Магілёўскага дзяржаўнага політэхнічнага каледжа Ілья Турко пасля адкрытага ўрока «Гістарычная памяць – дарога ў будучыню» з удзелам Аляксандра Лукашэнкі.

Юнак сказаў, што яго ўразілі глыбокія ўсебаковыя веды кіраўніка дзяржавы, яго дасведчанасць па ўсіх пытаннях унутранага жыцця краіны. «Трэба быць звышразумным чалавекам, каб займаць пасаду Прэзідэнта, і Аляксандр Лукашэнка менавіта такім з’яўляецца», – лічыць навучэнец каледжа.

Ён падзяліўся, што асноўная частка таго, пра што ішла гаворка, была зразумелая. Разам з тым былі тэмы, у якія яшчэ трэба паглыбіцца. Хлопец задаваў пытанне Прэзідэнту і застаўся задаволены адказам: «Я пытаўся, ці будуць павышаць тэмп імпартазамяшчэння ў сувязі з санкцыямі, на што кіраўнік дзяржавы сказаў, што, вядома, так, паколькі выбару няма».

БЕЛТА