Наймацнейшыя гімнасты Беларусі і Расіі выступяць на адкрытых рэспубліканскіх спаборніцтвах у Магілёве

Адкрытыя рэспубліканскія спаборніцтвы па спартыўнай гімнастыцы «Турнір спартыўнай славы» стартуюць 1 лістапада ў Магілёве. Пра гэта паведамілі ў гарвыканкаме.

На тры дні палац гімнастыкі «Багіма» стане месцам спаборніцтваў для больш як 140 спартсменаў з рэгіёнаў Беларусі і Расіі ва ўзросце ад 11 да 27 гадоў.

У ліку ўдзельнікаў выступяць наймацнейшыя спартсмены нацыянальных і зборных каманд Беларусі і Расіі. Сярод іх алімпійскія чэмпіёнкі 2020 года ў камандным першынстве Вікторыя Лістунова, Уладзіслава Уразава і Алена Герасімава (Расія), сярэбраны прызёр чэмпіянату Еўропы – Ягор Шарамкоў (Беларусь), чэмпіён Еўропы ў апорным скачку – Святаслаў Драніцкі (Беларусь).

Для больш юных спартсменаў спаборніцтвы паслужаць добрай школай спартыўнага майстэрства, дзе яны змогуць набыць спаборніцкі вопыт.

Рэд.