Не толькі культурны складнік: Дзмітрый Круты распавёў, што абмяркоўваюць у кулуарах «Купалья»

Кіраўнік Адміністрацыі Прэзідэнта Дзмітрый Круты расказаў журналістам аб тым, што абмяркоўваюць у кулуарах рэспубліканскага свята «Купалле» («Александрыя збірае сяброў»).

«Такія святы, канешне ж, збліжаюць. Праехаўшы 53 расійскія рэгіёны за два гады, з кожным губернатарам мы дамовіліся, што яны ў рамках нашага народнага свята «Купалле» дашлюць свае калектывы. Не жадаецца ніякага афіцыёзу, жадаецца, каб захаваўся дух народнага свята. У Расіі шмат такіх унікальных напрацовак, якія мы паступова будзем паказваць на «Купалле», - адзначыў ён. - У гэтым годзе большая колькасць удзельнікаў, большая колькасць экспазіцый. Усё роўна, вялікая запатрабаванасць. Добра, што надвор'е добрае».

Дзмітрый Круты таксама адзначыў, што ў час такіх сустрэч абмяркоўваюцца і сур'ёзныя эканамічныя пытанні. «Усе губернатары, якія да нас прыехалі, у асноўным, гэта нашыя суседзі, я іх папрасіў, каб яны абавязкова абгаварылі тыя праекты, якія ў нас рэалізуюцца. Гэта Смаленская, Курская, Бранская вобласці, - сказаў ён. - Будаўнічыя праекты - дамовіліся, што нашы будаўнікі будуць удзельнічаць у конкурсе на будаўніцтва некалькіх дарог у Бранскай і Смаленскай абласцях, узвядзенні некалькіх жылых кварталаў. Таму загрузка нашых будаўнічых арганізацый будзе забяспечана. Абмяркоўваюць і іншыя праекты. З некалькімі губернатарамі я перагаварыў, яны вельмі задаволеныя».

БЕЛТА