Пагадненне аб супрацоўніцтве на 2025–2027 гады падпісалі Магілёўская абласная арганізацыя Беларускага прафсаюза работнікаў аховы здароўя і галоўнае ўпраўленне па ахове здароўя аблвыканкама Дакумент уключае ў сябе абавязацельствы, якія датычацца ўсіх напрамкаў сумеснай работы, што падкрэслівае імкненне бакоў да доўгатэрміновага супрацоўніцтва. змацавалі подпісамі старшыня абласной арганізацыі БПРЗ Аляксандр Басенка і начальнік галоўнага ўпраўлення па ахове здароўя аблвыканкама Уладзімір Гацко.
Асноўныя напрамкі, зафіксаваныя ў дакуменце, накіраваны на абарону працоўных і сацыяльна-эканамічных правоў членаў прафсаюза. Сярод ключавых пунктаў - стварэнне аптымальных умоў для стабільнай работы працоўных калектываў, развіцця кадравага патэнцыялу, захавання і павышэння ўзроўню заработнай платы работнікаў з улікам дзеючай сістэмы аплаты працы ў галіне. Таксама прадугледжаны меры па павышэнні эфектыўнасці сацыяльнай падтрымкі маладых спецыялістаў.
Лідэр галіновага прафсаюза рэгіёну адзначыў, што падпісанне пагаднення - важны крок да паляпшэння ўмоў працы і сацыяльнай абароны работнікаў аховы здароўя Магілёўскай вобласці.
- Вынікі сумеснай працы ў рамках выканання пагаднення на 2022-2024 гады сведчаць аб імкненні да развіцця сацыяльнага партнёрства як з боку галоўнага ўпраўлення па ахове здароўя, так і з боку прафсаюза. Пагадненне, падпісанае сёння, з'яўляецца лагічным працягам паспяховай сумеснай работы, якая праводзілася раней, - падкрэсліў Аляксандр Басенка. - Упэўнены, рэалізацыя палажэнняў дакумента будзе садзейнічаць далейшым станоўчым зменам у сферы аховы здароўя рэгіёну, умацуе сацыяльнае партнёрства паміж прафсаюзам і працадаўцамі.
Пры выкарыстанні матэрыялаў актыўная гіперспасылка на mogilev-region.gov.by абавязковая
17.04.2025 - 16:42
15.04.2025 - 10:05
10.04.2025 - 12:07
Медыкі Магілёўшчыны - у ліку лаўрэатаў прэміі БПРЗ у галіне аховы працы
09.04.2025 - 12:10
Навучанне прафактыва - інвестыцыя ў будучыню арганізацыі аховы здароўя
