Новае стаматалагічнае абсталяванне з’явілася ў Глускай цэнтральнай раённай бальніцы

Новае стаматалагічнае абсталяванне з’явілася ў Глускай цэнтральнай раённай бальніцы. Яго набылі за сродкі, заробленыя мясцовымі жыхарамі на вясновым суботніку.

Накіраваць грошы для закупкі медыцынскага абсталявання ў медустанову было прадугледжана рашэннем Глускага райвыканкама. Як паведаміла галоўны ўрач раённай бальніцы Ірына Пятрова, новая стаматалагічная ўстаноўка каштуе больш за Br13 тыс.

На суботніку было зароблена больш за Br9 тыс, астатнія грошы былі ўзяты са сродкаў, што выдзяляюцца раённым бюджэтам на ўтрыманне бальніцы.

Стаматолаг-тэрапеўт Алена Лугіна, якая паспела апрабаваць новую ўстаноўку ў справе, расказала, што абсталяванне працуе спраўна, яно больш эрганамічнае і зручнае для ўрача, а таксама памочніка.

Урач спадзяецца, што пацыенты ацэняць камфортнае крэсла і іншыя функцыі новай стаматалагічнай ўстаноўкі.

Па матэрыялах glusk.by