Новая кіслародная станцыя пабудавана ў Шклоўскай райбальніцы

У Шклоўскай цэнтральнай раённай бальніцы завяршылася будаўніцтва кіслароднай станцыі. Пра гэта паведамілі ў прэс-службе Міністэрства аховы здароўя.

Па словах намесніка начальніка галоўнага ўпраўлення па ахове здароўя Магілёўскага аблвыканкама Аляксандра Бабака, увод новага аб’екта – знакавая падзея для раёна, бо спрыяе паляпшэнню якасці аказання медыцынскай дапамогі. «Апошнія гады барацьбы з COVID сталі для нас выклікам, аднак сёння мы больш падрыхтаваныя да барацьбы з рознымі інфекцыямі, у тым ліку рэспіраторнымі», – падкрэсліў ён.

Фінансаванне будаўніцтва ажыццяўлялася з абласнога бюджэту, на гэтыя мэты затрачана каля Br500 тыс. З уводам новага аб’екта праведзены два адгалінаванні на асноўны і інфекцыйны карпусы, дзе кіслародныя кропкі ўстаноўлены ў аддзяленнях анестэзіялогіі і рэанімацыі, хірургічным і акушэрска-гінекалагічным.

«У кавідныя часы рэзка ўзрасла патрэба ў кіслародзе, – адзначыў галоўны ўрач цэнтральнай раённай бальніцы Сяргей Новікаў. – У пік захворвання мы расходавалі да 90 балонаў кіслароду ў суткі, і гэта дастаткова вялікая колькасць. Новы газіфікатар дазволіць цалкам забяспечыць усе нашы патрэбы».

БЕЛТА