RU BY EN 中文
Twitter Instagram

Новы мост рыхтуецца да адкрыцця ў Слаўгарадскім раёне

Мост– сімвал новых магчымасцяў Слаўгарадскага раёна. Левы і правы берагі ракі Сож цяпер злучыў маставы пераход даўжынёй у паўкіламетра.

Раней у цёплы сезон даводзілася карыстацца пантонным мостам. А з надыходам халадоў трапіць на левы бераг–там, дзе Блакітная крыніца, – і зусім можна было толькі ў аб’езд, даўжынёй больш за сотню кіламетраў. Цяпер жа–прыгажосць, зручнасць, а яшчэ і вялікія планы на сацыяльна-эканамічнае развіццё левабярэжжа.

Адкрыццё новага слаўгарадскага моста называюць знакавым. Мост, які ўдалося пабудаваць менш чым за 5 гадоў, злучыць два берагі ракі і дасць Засожжу новыя магчымасці для развіцця. На правым беразе Сожа – 8 вёсак і 70 жыхароў, 15% тэрыторыі Слаўгарадскага раёна і, акрамя таго, прамы шлях у суседні Краснапольскі раён і да мяжы з Расіяй.

Такім чынам, слаўгарадскі мост пабудаваны. Яго будаўніцтва абышлося ў Br43 млн. Можна лічыць, што гэта інвестыцыі ў развіццё раёна. У першую чаргу, эканамічнае. Мост дапаможа лясной і сельскай гаспадарцы, таксама дасць штуршак дрэваапрацоўцы, прадукцыя якой ідзе на экспарт. Акрамя таго, у Засожжы зараз актыўна будуюцца аграсядзібы, у Старой Каменцы ўзводзяць цэнтр сельскага прадпрымальніцтва і школу для малога бізнесу.

ТРК «Магілёў»

 

Пры выкарыстанні матэрыялаў актыўная гіперспасылка на mogilev-region.gov.by абавязковая