Новыя кіраўнікі назначаны адразу ў двух лясгасах вобласці. Аб гэтым паведамілі ў прэс-службе Міністэрства лясной гаспадаркі.
Так, Магілёўскі лясгас узначаліў Алег Селіх. Да гэтага ён займаў пасаду галоўнага ляснічага Магілёўскага ДВЛГА. Дырэктарам Чэрыкаўскага лясгаса прызначаны Аляксандр Жэбін. Раней ён працаваў галоўным ляснічым Быхаўскага лясгаса.
Прадстаўляючы новых кіраўнікоў Магілёўскага і Чэрыкаўскага лясгасаў калектывам устаноў, генеральны дырэктар Магілёўскага ДВЛГА Сяргей Максімовіч падкрэсліў: абодва лясгасы - няпростыя. А значыць, і вырашыць трэба будзе нямала задач.
«У Магілёўскага лясгаса - вялікі патэнцыял, важна раскрыць яго і вывесці лясгас на новы ўзровень, зрабіць флагманам у Магілёўскай вобласці, - акцэнтаваў увагу ён. - Важна не забываць пра людзей, кадравы рэсурс, але і патрабаваць аддачы, надаць вялікую ўвагу аднаўленню лясных культур, павелічэнню планавай выручкі. Што тычыцца Чэрыкаўскага лясгаса, то тут трэба будзе карпатлівая праца па распрацоўцы снегаломаў і бураломаў, правядзенні своечасовага лесааднаўлення, павелічэння аб'ёмаў рэалізацыі і выручкі прадукцыі».
Таксама генеральны дырэктар пажадаў новым кіраўнікам поспехаў у працы на карысць лясной гаспадаркі.
Рэд.
