Ордэнам Маці ўзнагароджаны 22 жыхаркі Магілёўскай вобласці

Ордэнам Маці за нараджэнне і выхаванне пяці і больш дзяцей узнагароджана 29 жыхарак Віцебскай, Гродзенскай і Магілёўскай абласцей. Адпаведны ўказ падпісаў Прэзідэнт Беларусі Аляксандр Лукашэнка, паведамілі ў прэс-службе кіраўніка дзяржавы.

Узнагароды ўдастоены прадстаўніцы розных сфер дзейнасці – работніцы прадпрыемстваў прамысловага сектара, аграпрамысловага комплексу, будаўнічай галіны, гандлю, устаноў аховы здароўя, адукацыі, культуры, сацыяльнага і бытавога абслугоўвання насельніцтва, органаў унутраных спраў, хатнія гаспадыні.

У ліку ўзнагароджаных 22 жыхаркі Прыдняпроўскага краю:

– хатняя гаспадыня Святлана Абакшонак (в. Чаромушкі, Магілёўскі раён);

– хатняя гаспадыня Вольга Алісеенка (г. Бабруйск);

– хатняя гаспадыня Ганна Аляксеева (г. Бабруйск);

– хатняя гаспадыня Ганна Архіпенка (г. Бабруйск);

– слесар механазборачных работ вытворчага ўнітарнага прадпрыемства «Універсал Бабруйск» грамадскага аб’яднання «Беларускае таварыства глухіх» Валянціна Афанасьева (г. Бабруйск);

– хатняя гаспадыня Людміла Бабекіна (г. Клімавічы);

– прадстаўнік крамы «Расінка» Глускага раёна спажывецкага таварыства Алеся Баскаулава (Глускі раён);

– хатняя гаспадыня Кацярына Бузунова (г. Бабруйск);

– тэхнік па племянным уліку рэспубліканскага ўнітарнага прадпрыемства «Вучэбна-даследчая гаспадарка Беларускай дзяржаўнай сельскагаспадарчай акадэміі» Галіна Буракова (Горацкі раён);

– прадавец філіяла № 2 у г. Магілёве адкрытага акцыянернага таварыства «Світанак» Ларыса Гарбунова (г. Магілёў);

– працаўніца дзяржаўнай установы адукацыі «Пудаўнянская сярэдняя школа» Ірына Жукава (Дрыбінскі раён);

– працаўніца адкрытага акцыянернага таварыства «Маслакі» Вера Кавалеўская (Горацкі раён);

– ветэрынарны ўрач адкрытага акцыянернага таварыства «Дабаснянскае» Алёна Кісель (Кіраўскі раён);

– хатняя гаспадыня Марына Лунёва (г. Бабруйск);

– хатняя гаспадыня Алеся Мальчык (аг. Рэкта Горацкага раёна);

– хатняя гаспадыня Анжэла Мікуціна (г. п. Хоцімск);

– швяя таварыства з абмежаванай адказнасцю «Оверал плюс» Вольга Райцава (г. Быхаў);

– санітарка ўстановы аховы здароўя «Крычаўская цэнтральная раённая бальніца» Святлана Роўт (г. Крычаў);

– індывідуальны прадпрымальнік Вольга Рыжкова (г. Бабруйск);

– повар рэстарана хуткага абслугоўвання філіяла «Бабруйскі гандлёвы цэнтр “Карона”» таварыства з абмежаванай адказнасцю «Тытунь-Інвест» Галіна Сямёнава (г. Бабруйск);

– хатняя гаспадыня Валянціна Тарасенка (г. Магілёў);

– хатняя гаспадыня Лілія Шульган (г. Горкі);

У цяперашні час у Магілёўскай вобласці налічваецца 10 797 шматдзетных сем’яў, 1074 жанчыны ўдастоены ордэна Маці.