RU BY EN 中文
Twitter Instagram

Падарунак да 7 лістапада: у Асіповічах адкрыўся шматфункцыянальны навучальны цэнтр

Сёння, 4 лістапада, у горадзе Асіповічы Магілёўскай вобласці ўрачыста перарэзалі традыцыйную чырвоную стужачку на ўваходзе ў новую школу. Дакладней, і не ў школу нават, а сапраўдны шматфункцыянальны навучальны цэнтр, дзе знайшлося месца і групам дзіцячага сада, і школьным класам, і памяшканням для заняткаў па дадатковай адукацыі. Удзел ва ўрачыстым мерапрыемстве прынялі міністр адукацыі Андрэй Іванец, старшыня Магілёўскага абласнога Савета дэпутатаў Аляксандр Гарошкін, член Савета Рэспублікі Нацыянальнага сходу Віктар Ананіч і іншыя ганаровыя госці.

- У нашай краіне стала больш яшчэ на адзін храм - менавіта так Прэзідэнт Аляксандр Лукашэнка на Рэспубліканскім педсавеце назваў школу, - адзначыў Андрэй Іванец. - Праца педагога заўсёды была справай няпростай. Але я ўпэўнены, што найвышэйшы ўзровень майстэрства настаўнікаў, іх адданасць сваёй справе дазволяць вырашыць усе задачы, якія стаяць перад намі.

Ён пажадаў рабятам, каб школа стала іх другім домам, які і праз шмат гадоў яны будуць успамінаць з цеплынёй. Бо гэта не толькі скарбніца ведаў, але і месца, дзе мы сталеем, дзе закладваецца падмурак усяго жыцця.

Аляксандр Гарошкін падкрэсліў, што новая школа, якая носіць імя партызана, арганізатара Асіповіцкага падполля Фёдара Крыловіча, - адна з самых сучасных устаноў адукацыі Магілёўскай вобласці:

- Гэта не проста школа, а адукацыйны, культурны, спартыўны цэнтр, якім можна ганарыцца. Сёння мала даць веды, трэба выхаваць грамадзяніна, патрыёта, навучыць думаць і выказваць сваё меркаванне. Таму дзяржава так многа ўкладвае ў развіццё адукацыі. Чым больш укладзем у моладзь, тым больш паспяховай стане наша будучыня.

Віктар Ананіч пажадаў школьнікам добра вучыцца, развівацца ў розных напрамках, цудоўнымі справамі праслаўляць школу, горад, Радзіму.

Новая школа будзе самай вялікай не толькі ў Асіповіцкім раёне, але і ў горадзе. Будынак разлічаны на 955 месцаў: 75 - для выхаванцаў дзіцячага сада, 880 - для навучэнцаў школы. Складаецца яно з трох функцыянальных блокаў. У цэнтральным корпусе — агульнашкольныя памяшканні: вестыбюль, актавая зала, спартыўная, гульнявая, гімнастычная, трэнажорная, харэаграфічная залы, зала для барацьбы, абедная на 360 месцаў, чытальная зала бібліятэкі і кнігасховішча. У школе ёсць таксама сталярная, слясарная і швейная майстэрні, кабінет кулінарыі. У другім і трэцім блоках размешчаны памяшканні для груп выхаванцаў дзіцячага сада і навучальныя кабінеты для малодшых і старэйшых класаў. У іх ліку — кабінеты фізікі, хіміі, біялогіі з лабаранцкімі, два кабінеты інфарматыкі і лінгафонныя кабінеты для вывучэння замежных моў.

На тэрыторыі комплексу ёсць фізкультурна-спартыўная зона: валейбольная, гандбольная і дзве баскетбольныя пляцоўкі, футбольнае поле, хакейная каробка, спартыўнае мястэчка, вулічныя трэнажоры, спартыўнае поле з сектарам для кідання і скачкоў, лёгкаатлетычныя дарожкі, вучэбнае мястэчка для заняткаў па тактычнай падрыхтоўцы.

Навучальны цэнтр размешчаны ў мікрараёне інтэнсіўнай жылой забудовы Чарняхоўскага. Тут пражываюць пераважна маладыя і шматдзетныя сем'і, у якіх вельмі чакалі адкрыцці школы.

Вераніка Шчэрба прывяла сёння дваіх дзяцей: Міраславу - у другі клас, Ліліяну - у дзіцячы сад. Маладая мама не хавае радасці:

- Для таго, каб развезці дачок у сад і школу, звычайна выходзіла з дому ў дзесяць хвілін восьмага. жыхарах невялікіх гарадоў, аб маладых і шматдзетных сем'ях. Новая школа - гэта ж яшчэ і новыя працоўныя месцы.

Дырэктар Вікторыя Ліхачова нагадала, што жыхары Чарняхоўскага папрасілі аб будаўніцтве школы і сада ў 2020 годзе ў ходзе сустрэчы з даверанымі асобамі Прэзідэнта і былі пачуты. Дзякуючы ўвазе з боку дзяржавы амаль тысяча дзяцей атрымала магчымасць вучыцца ў адну змену ў крокавай даступнасці ад дома. Функцыянаванне школы забяспечваюць 106 працаўнікоў, сярод іх 60 педагогаў. Дзяцей будуць навучаць 8 маладых спецыялістаў, а ім пачнуць перадаваць свой вопыт 36 педагогаў вышэйшай і першай кваліфікацыйных катэгорый.

Заняткі дзіцяча-юнацкай спартыўнай школы, цэнтра творчасці і школы мастацтваў могуць наведваць дзеці з усяго горада.

 СБ

Пры выкарыстанні матэрыялаў актыўная гіперспасылка на mogilev-region.gov.by абавязковая