Падатковыя органы Магілёўскай вобласці правялі маніторынг: ва ўсіх суб’ектаў гаспадарання выявіліся парушэнні

За мінулы год падатковыя інспекцыі Магілёўскай вобласці правялі 123 маніторынгі ў дачыненні да 118 суб’ектаў гаспадарання, падчас якіх парушэнні ўстаноўлены ва ўсіх без выключэння, у асобных выпадках паўторна. Пра гэта расказалі ў прэс-цэнтры ІМПЗ Магілёўскай вобласці.

Найбольш часта недахопы ў працы выяўляліся ў сферы рознічнага гандлю і былі звязаны з парушэннем парадку прыёму грошай без выкарыстання касавага абсталявання або з адсутнасцю плацёжнага тэрмінала. Нярэдка ў гандлёвых аб’ектах касавыя апараты ўсталёўваліся ў месцах, недаступных для візуальнага прагляду пакупніком інфармацыі індыкатара, які адлюстроўвае прабітую суму.

Пры фіксаванні парушэнняў прадстаўніку суб’екта гаспадарання ўручаюцца рэкамендацыі аб іх ліквідацыі. Калі аналагічныя парушэнні выяўляюцца паўторна, прымаюцца рашэнні аб прыцягненні да адміністрацыйнай адказнасці.