Паважаныя жыхары Магілёўшчыны! Запрашаем вас прыняць удзел у абласным суботніку

Паважаныя жыхары Магілёўшчыны!

23 кастрычніка на Магілёўшчыне пройдзе абласны суботнік. Яго галоўная задача – навядзенне парадку на тэрыторыі рэгіёна. Асаблівая ўвага будзе нададзена дварам, скверам, паркам, зонам адпачынку, дзе будзе весціся пасадка дрэў, ачыстка ад смецця і восеньскай лістоты.

Магілёўскі абласны выканаўчы камітэт і Магілёўскі абласны Савет дэпутатаў заклікае ўсіх неабыякавых і актыўных жыхароў вобласці падтрымаць ініцыятыву і прыняць удзел у суботніку, запрасіць сваіх сяброў і суседзяў.

Выказваем надзею на тое, што гэты заклік будзе падтрыманы працоўнымі калектывамі прадпрыемстваў, устаноў, арганізацый, школьнікамі і студэнтамі, жыхарамі шматкватэрных дамоў і прыватных домаўладанняў – усімі, хто шчыра любіць нашу вобласць, нашу краіну.

Суботнік – гэта якраз тая маленькая справа, якую мы можам зрабіць для сваёй малой радзімы, гэта наша пасільная лепта ў агульную добрую справу.

Мы ўсе жыхары адной вобласці і хочам, каб яна была камфортнай і прыгожай! Зробім наш агульны дом чысцейшым і прыгажэйшым!

Старшыня Магілёўскага абласнога выканаўчага камітэта Леанід Канстанцінавіч Заяц, старшыня Магілёўскага абласнога Савета дэпутатаў Ірына Анатольеўна Раінчык