Пажар у Магілёўскім раёне ледзь не скончыўся гібеллю

Пажар у Магілёўскім раёне ледзь не скончыўся гібеллю. Пра гэта паведаміла старшы інспектар абласнога ўпраўлення МНС Вольга Нехарошых.

Як расказала суразмоўца, раніцай у сераду 52-гадовы жыхар аграгарадка Палыкавічы-1 Магілёўскага раёна прачнуўся ад удушша. Дом быў запоўнены дымам. Гарэлі пасцельныя прыналежнасці на ложку. Мужчына заліў іх вадой і, паспеўшы патэлефанаваць свайму таварышу Віктару Пасрэднікаву, які пражывае па суседстве, страціў прытомнасць. Адлегласць 500 метраў сябар пераадолеў за лічаныя хвіліны. Дзверы будынка былі адкрыты, таму ён бесперашкодна зайшоў у жыллё і, рызыкуючы ўласным здароўем і жыццём, у шчыльнай заслоне дыму на падлозе знайшоў і выцягнуў гаспадара на вуліцу. Выратаваны не пацярпеў, а вось жыллю дасталася: пашкоджана перакрыцце і маёмасць у доме.

Папярэдняя прычына ўзгарання – неасцярожнасць пры курэнні.

Рэд.