Перасовачнае аддзяленне паштовай сувязі № 2 г.Асіповічы абслугоўвае амаль 30 населеных пунктаў

Добрыя весткі ў кожны дом

Нават у халодныя зімовыя дні Вольга Альшанік з Асіповічаў умее стварыць сапраўдны цуд. Напрыклад, напярэдадні Новага года па просьбе жыхароў вёскі Лучыцы яна прывезла ім 20 пачкаў марожанага. І любую просьбу кліентаў начальнік перасоўнага аддзялення паштовай сувязі №2 г. Асіповічы Асіповіцкага ўчастка паштовай сувязі Бабруйскага рэгіянальнага вузла паштовай сувязі Магілёўскага філіяла РУП «Белпошта» імкнецца задаволіць.

На шляху Вольгі Валер'еўны і яе кіроўцы - 28 населеных пунктаў. Разам з калегам начальнік ПОПС №2 г. Асіповічы, якая таксама выконвае абавязкі паштальёна па сумяшчальніцтве, пераадольвае 180 кіламетраў на маршруце.

— У кліентаў ёсць кантактны нумар тэлефона, і яны заўсёды могуць патэлефанаваць і замовіць тое, што ім неабходна, - тлумачыць Вольга Альшанік. - Да прыкладу, калі людзі соляць сала і рыхтуюць вэнджаніна, дастаўляем соль.

У шматлікіх населеных пунктах, дзе няма стацыянарнай крамы, супрацоўнікі перасоўнага аддзялення паштовай сувязі - сапраўдныя добрыя чараўнікі. Дапамагаюць аформіць падпіску на любімыя выданні.

Плацяжы, крэдыты, зняцце наяўных сродкаў - усе запатрабаваныя паслугі даступныя.

— Добрыя навіны нясем у кожны дом, — усміхаецца Вольга Альшанік. - Вопыт дапамагае выконваць усе пажаданні.

Вольны час Вольга Валер'еўна прысвячае блізкім, выгадавала цудоўную дачку. Захапляецца кветкамі і вельмі любіць свайго хатняга гадаванца - ката Яшу.

СБ