Перасовачны медыцынскі комплекс прыязджае ў населеныя пункты Быхаўскага раёна

20.06.202315:10

Каля пяці месяцаў курсіруе па тэрыторыі Быхаўскага раёна перасовачны медыцынскі комплекс цэнтральнай раённай бальніцы, але і за гэты кароткі час яго работы ёсць некаторыя дасягненні ў ёй. Як адзначаюць спецыялісты гэтай установы аховы здароўя, змянілася ўжо стаўленне мясцовага насельніцтва да з'яўлення ў яго структуры новага звяна.

Так, сёння тутэйшыя фельчарска-акушэрскія пункты наведваюць за дзень у сярэднім два-тры пацыенты, сярэдняя ж колькасць звярнущшыхся да спецыялістаў перасоўнага медыцынскага комплексу, складае 20-24 чалавекі.

Упершыню, як растлумачыла галоўны ўрач Быхаўскай цэнтральнай раённай бальніцы Таццяна Саніна, перасовачны медыцынскі комплекс выйшаў на маршрут да маланаселеных быхаўскіх вёсак у студзені гэтага года, і неўзабаве стаў курсіраваць па дарогах да іх штодзень у працоўныя дні тыдня па вызначаным месячным графіку. Інфармуюць аб ім мясцовыя ўчастковыя медыцынскія структуры і раённая газета.

Перасовачны медыцынскі комплекс абсталяваны двума невялікімі памяшканнямі - своеасаблівымі медыцынскімі кабінетамі. У першым з іх размешчаны месцы для медыцынскага спецыяліста і трох пацыентаў і размешчаны электракардыёграф. У другім - ажыццяўляецца забор крыві і праводзіцца гінекалагічны агляд пацыентак.

У складзе яго брыгады два кваліфікаваныя медыцынскія работнікі – памочнік урача і акушэрка, а таксама санітарка і вадзіцель. Пры правядзенні спецыялістамі гэтага комплексу прыёму пацыентаў на месцах да іх далучаюцца мясцовыя медыцынскія работнікі, у тым ліку ўрачы агульнай практыкі.

Як следства, падвышаецца выніковасць працы гэтых выязных прыёмаў сельскіх пацыентаў. Бо, зразумела, мясцовым медыкам лепш за прыезджых вядомыя і людзі, і гісторыі іх хвароб.

mogilevnews.by

Форма пошуку

Перасовачны медыцынскі комплекс прыязджае ў населеныя пункты Быхаўскага раёна

Вы тут

Чытайце таксама ў катэгорыі "рэгіёны":