Рус Бел Eng 中文

Першы праект з праграмы мерапрыемстваў па інтэграцыі БелАЭС у энергасістэму рэалізаваны ў Касцюковічах

Першы праект з праграмы мерапрыемстваў па інтэграцыі БелАЭС у энергасістэму рэалізаваны ў Касцюковічах. Тут у новай кацельні з’явіўся электракацёл на 10 МВт. Пра гэта падчас пашыранай калегіі Мінэнерга распавёў міністр ведамства Віктар Каранкевіч.

Паводле яго слоў, усяго плануецца рэалізаваць такія праекты на 19 аб’ектах энергасістэмы краіны. Іх сумарная магутнасць складзе 836 МВт.

– Праекты рэалізуюцца ў адпаведнасці з графікам і будуць уведзены ў эксплуатацыю ў 2020 годзе. Паралельна рэалізуюцца праекты па будаўніцтве піка-рэзервовых магутнасцей. Яны будуць устаноўлены на чатырох аб’ектах энергасістэмы ўсталяванай магутнасцю 800 МВт.

Паводле слоў Віктара Каранкевіча, працы па выбары асноўнага абсталявання піка-рэзервовых магутнасцей практычна завершаны. У завяршальнай стадыі знаходзіцца падрыхтоўка праектнай дакументацыі. Гэтыя аб’екты павінны быць уведзены ў 2021 годзе.

Пры выкарыстанні матэрыялаў актыўная гіперспасылка на mogilev-region.gov.by абавязковая